Ұлы Жеңістің 75 жылдық мерейтойына орай жеңісті жақындатқан жандардың ерлігі туралы баяндауды жалғастырамыз. Бүгінгі кейіпкеріміз 96 жастағы Григорий Филатович Шишонков. Батыр 1942 жылы қаламыздағы №12-ші мектепті аяқтағаннан кейін, майданға шақырту алған.

ҰОС ардагері Григорий Шишонков 1942 жылы майданға шақырту алады. 17 жастағы бозбала Оралдағы №12-ші мектепті аяқтағасын Ленинградтық байланыс училищесінде білім алады. Сол жылдары байланыс училищиесінде білім алатын жандарды Оралда оқытқан. Аталмыш білім ордасына да қатаң іріктеу болған. Кейіпкеріміз бір жылдай байланыс саласының қыр-сырын меңгергенін айтады. Оқуын аяқтаған жауынгерлер Сталинград түбіне қан майданға аттанады.

Майдан даласының түпкір-түпкірінде болған жауынгер жеңісті Латвия мен Эстонияның маңындағы Курляндияда қарсы алған. Григорий Филатович соғыс аяқталғасын елге оралады. Батыр 50 жылдай банк саласында қызмет атқарыпты.

ҰОС ардагері ұл-қызын өсіріп, немере сүйіп, оларды оқытқан. Бүгінде 96 жасқа келіп, батырлығы мен еңбексүйгіштігінің арқасында бұқараның қошеметіне бөленген кейіпкеріміз ел ертеңі жастар білім алып, табанды жұмыс жасауы керек,-дейді.