0:00 / 0:00
Батыс Қазақстан облысының прокуратурасы сүт-тауар фермасын кеңейту жобасын жүзеге асырып жатқан «Ринго-Милк» ЖШС-не мемлекеттен демеу қаражат алуға мүмкіндік берді. Инвестор бүгінге дейін 5,9 млрд теңге субсидия алған. Өндірісті әрі қарай кеңейту үшін мемлекеттің тағы да қолдауы қажет болады. Алайда жобаны іріктеу комиссиясы мерзімі өткен берешектің болуына байланысты кәсіпорынды қаржыландырудан бас тартқан. Облыстық прокуратураның Фронт кеңсесінің алаңында қарыздың техникалық себептерден туындағаны анықталды. Сондықтан 70 адамды жұмыспен қамтып отырған жергілікті өндіріске көмек көрсету туралы шешім шығарылыпты.
