Тарихқа үңілсек, отандық баспасөз беттерінде Петропавлдың байырғы атауы Қызылжар деп аталғаны туралы дәйектер көп. Тіпті осыдан 14 жыл бұрын Парламент депутаттары да Петропавлдың атауын қазашаландыру туралы мәселе көтергенді. Экс-депутат Жарасбай Сүлейменов бастаған депутаттық топтың сауалы да бар. Тарихи мәліметтерге сүйенсек,
1663 – 1763 жылдар аралығында өмір сүрген «Елім-ай» дастанының авторы атақты Қожаберген жыраудың “Қызылжар” деген өлеңінде “Қызылжар” атты қыстау болғанын жырлайды. Демек, сол кезде-ақ осы өңірді тұрғылықты халық “Қызылжар” деп атаған. Ал оның кейін дін апостолдары – Петр мен Павелдің есімдерімен аталып кетуі Ресейдегі патша өкіметінің отаршылдық және орыстандыру саясаты салдарынан болған іс деген дәйек бар.

1925 жылы кеңес елі коммунистік партиясының бас газеті «Правда» Петропавлдың «Қызылжар» болып өзгер¬генi туралы хабар жариялаған. Өйткені, осы жылғы шiлде¬нiң 18-iнде Ақмола губер¬ния¬лық атқару комитетiнің тө¬ралқасы Петропавлды ресми түрде «Қызылжар» деп атау туралы қаулы қабылдайды, оны Қазақ Республикасы орталық атқару комитеті яғни кездегі Үкімет бекітеді. Бұл құжаттың түпнұсқасы Мәскеу¬дегi Бүкілодақтық орталық атқару комитетіне, көшiрмесi Қызылжарға жiберілген. Бұл құжаттар Ресей мұрағатынан табылған. Солтүстік Қазақстан облысының орталығына Қызылжар атауын қайтару мәселеі ара-тұра көтеріліп тұрғанымен, әзірге шешім жоқ. Үкімет отырысына келген өңір әкіміне бұл сұрақ тағы қойылды. Алайда Ғауез Нұрмұхамбетовтің пікірінше қаланың тарихи атауын қайтару соншалықты маңызды мәселе емес сияқты. Әкім облыс орталығының атауын өзгертуден басқа өзекті мәселелер көп екенін айтты.

Еске сала кетейік, 2022 жылы Петропавлдың атауын Қызылжар деп ауыстыру туралы петиция жарияланған болатын. Алайда, бастамашы топ көздеген көрсеткіште қол жинай алмады. Ал өткен жылы бірқатар депутат бұл мәселені өңір тұрғындары мен президент шешуі керек деген еді.