Қаржылық мониторинг агентігінің басшылығы аты шулы Перизат Қайрат ісіне қатысты жаңа мәліметтерді айтты. Жеңіс Елемесовтің айтуынша, күдікті Перизат Қайратқа қатысты қылмыстық іс бойынша тергеу аяқталды, қазіргі уақытта процестің қатысушылары қылмыстық іс материалдарымен танысып жатыр. Еске сала кетейік, өткен жылдың қараша айында Перизат Қайратқа қатысты іс қозғалғаны мәлім болды. Күдікті тасқын судан зардап шеккендерге көмектемесіз, Палестина тұрғындарына гуманитарлық көмек жібереміз деп қорға қаражат жинауды ұйымдастырғанды. Мәлім болғандай ол бұл қаражатты мұтаж жандарға жібермей, өзіне қымбат көлік, жылжымай мүліктер сатып алған. Қылмыстық жолмен алынған ақшаны заңдастыруға қатысты, дәл осы жерде Перизат Қайрат гүл дүкенін сатып алуға ақша салған. Осылайша, ол өзін бизнес-леди және бизнес кеңістікте ақша табатындай көрсетті дейді агенттік басшылығы.
ЖЕҢІС ЕЛЕМЕСОВ – ҚР ҚАРЖЫ МОНИТОРИНГІ АГЕНТТІГІ ТӨРАҒАСЫНЫҢ ОРЫНБАСАРЫ « Тергеу барысында әртүрлі залал сомасы айтылғанын білесіздер. Қазіргі уақытта 3,5 миллиард теңге мөлшеріндегі залал сомасына тоқтадық. 3 эпизод бойынша ақша жымқырған. Күдікті мүгедек балаларды оңалту орталығын саламыз деп аукционмен ақша жинаған. Палестина тұрғындарына гуманитарлық көмек көрсету үшін қаражат жинауды ұйымдастырды. Су тасқынына зардап шеккендерге көмекке қаржы жинады. Қылмыстық кодекстің екі бабы - 190 (алаяқтық) пен 218 (қылмыстық жолмен келген табысты заңдастыру) бойынша іс қозғалып тергелді».
Перизатпен бірге оның анасы да сотқа тартылмақ. Анасының үстінен “алаяқтық” бабы бойынша іс қозғалғанды.
Алайда, күдікті Перизат өзіне тағылған айыпты мойындап отырған жоқ. Агенттіктің мәліметінше, қылмыстық іс 100 томнан тұрады 2023 жылдың желтоқсанда осы ақша есебінен Перизат "Sensata Plaza" элиталық кешенінен 49 млн теңгеге үш бөлмелі пәтер және 30 млн теңгеге "Mercedes-Benz EQE 500 4 Matic" жаңа автокөлігін сатып алады. Сонымен қатар, қаражаттың бір бөлігі БАӘ-де ("Rolex", "Prada" және "Fendi") брендтік бутиктерінен зергерлік бұйымдарды, сағаттар мен киімдерді сатып алуға жұмсалған. Ал Перизат Қайраттан тәркіленген бұл мүліктердің тағдырын сот шешеді деп отыр Елемесов мырза. Жәбірленушілерге келтірілген шығынды өтеуге жұмсалады, не мемлекеттің кірісіне беріледі.
