Жаңа білім ордасы шаһардың солтүстік-шығыс ауданында орналасқан.
Эстетикалық мектеп-гимназия КПО б.в компаниясының инвестициялық-әлеуметтік жобасы аясында салынды. Құрылыс жұмыстары 2019 жылдың мамыр айында басталған болатын. 3 қабатты ғимараттың жалпы аумағы 8189,8 м2. Оқушыларға спорт зал, кітапхана, музыка залы, стоматология, медицина кабинеті, 200 орындық асхана қарастырылған және мектеп жанына спорт алаңқайлары жасақталыпты. Ашылу салтанатына қатысқан өңір басшысы Ғали Есқалиев жаңа ғимаратты аралап, ұстаздарға жаңа оқу жылында сәттілік тіледі.
