Осы мәселеге орай, кеше өңір басшысы мен қала әкімі бірдей төбе көрсетіп, тұрғындармен тілдесіп қайтты. Бір - екі күн бұрын Деповская 18 үйді бұзу жұмыстары басталғанды. Ал, тұрғындар уақытша жаңа қонысқа көшірілген болса, әні-міне - дегенше қуанышты сәт 2 километр көшесіндегі үш бірдей үйге де келіп жетті. Аталмыш көшенің апатты -деп танылған 20,21,22 үйдің 48 шаңырағын көшіру, осы айдың аяғында басты жоспарда тұрғандығын қала басшысы Алтай Көлгінов атап өтті. Бір қызығы, 2 километр көшесін бойлаған бұл үйлер 1960 жылы салынған. Бөлмелердің аумағы 30-35 шаршы метрден аспасы анық. Бірақ соған қарамастан, билік басындағылар келешекте бұл жерге қайта қоныстанар тұрғындарға ең төменгі деген 45 шаршы метрді тегін бергелі отыр. Тіпті, абаттандыру жұмыстарын да әкімдік өз мойындарына алып отыр. Бастамаға жауапты шенділердің берген ақпаратына сәйкес, игілігі мол бұл бастама "Мемлекеттік жекеменшік серіктестік" жобасы арқылы қолға алынып жатырған көрінеді. Ал, қандай жоба болса да, тұрғындарға бұл жағдай көңілдеріне қонымды сияқты. Ендеше, ұзақ жылдар бойы жаңа баспананы тілеп келген 2 километр тұрғындарына пәтер кілті көп ұзамай табысталуын тіледік.