Орталық бұрынғы жол полициясы басқармасы ғимаратының бірінші қабатында орналасқан. Ашылу рәсіміне қатысқан БҚО әкімі Алтай Сейдірұлы жаңа көші-қон орталығы мемлекеттік қызметтердің көрсетілу мерзімін айтарлықтай қысқартатын атап өтті.

Орал қаласында ашылып отырған көші-қон халыққа қызмет көрсету орталығы республика бойынша бесінші нысан. БҚО әкімдігі мен ішкі істер департаменті және азаматтарға арналған үкімет мемлекеттік корпорациясының бастамасымен ашылған орталықта көші-қон, криминалдық қызмет мамандары мен сақтандыру компаниялары, екінші деңгейлі банктерге орындар қарастырылған. Бір терезе қағидасы арқылы көрсетілетін қызметтер мерзімі енді 5-7 күннен 1 жұмыс күніне дейін қысқарады деп күтілуде. Орталықта мемлекеттік корпорацияның 11 қызметкері, ІІД көші-қон қызметінің 8 қызметкері таңғы сағат 9-дан кешкі 18:30-ға дейінгі уақытта жұмыс жасайды. Айта кетейік, облыста жыл басынан 6 мыңдай шетел азаматы еңбек етуге рұқсатнама алыпты.