Қазіргі таңда 7 борышкер қылмыстық жазаға тартылса, 39 жауапкерге әкімшілік хаттама толтырылған. "Және жыл санап алимент өндіру істерінің саны артып барады",-дейді сот орындаушылары. Айта кетейік, 2015 жылы заңға жасалған өзгеріске сай, борышкерлер мен өз бала-шағасының алдындағы борышты өтеуді ұмытқан әкелерге сот орындаушылары да жаза тағайындай алады. ҚР-ның неке және отбасы ерлі-зайыптылық кодексінің нормаларына сәйкес, ата-аналар өздерінің кәмелетке толмаған және арнайы кәсіптік ЖОО іштей оқитын 21 жасқа дейінгі балаларына әлеуметтік қаржы төлеуге міндетті. Егер ерлі-зайыптылардың арасында өзара келісім болмаса, бұл дау сот тәртібі арқылы шешіледі. Бұл орайда 2 тарап та арыз беруге, талап қою арқылы іс жүргізуге қүқылы. Қазіргі таңда 39 борышкерге әкімшілік хаттама толтырылып, жаза қолданылған және ҚР шет жерге шығуға, мүлкін пайдалануға тыйым салынып отыр. Алайда бұл шаралар борышкерлер санын азайтпай отыр. Баланың бағып-қағуға қажет қаражатты төлеуді 3 айдан кешіктіргендер қылмыстық жауапкершілікке тартылады. Бірақ көбіне жас сәбимен жалғыз қалған аналар бұл қиындықты шешуге жеткіліксіз екенін айтады. Былтыр 2013 жылмен салыстырғанда алимент өндіру бойынша қалалық нөмірі 2 соттың өндірісен 27 арыз көп түсіпті. Сотқа жүгінетіндердің 95 % әйелдер құраса, алимент борышкерлерінің 10% өз баласын өзегінен тепкен көкек аналар болып отыр. Түскен табыстың 1 балаға 4/1, 2 балаға 3/1, үш немесе одан көп балаға бар кірістің 50 пайызы алимент ретінде өндіріледі. 2015 жылдың қаңтар айында заңдағы өзгеріске сай сот орындаушылары 7 жауапкерге қылмыстық шара қолдану үшін прокуратураға іс жолдаған.