0:00 / 0:00
Жастармен жүздесуге арнайы келген облыс басшысы ең алдымен оқушылар сарайындағы Коворкинг орталыққа бас сұғып, нысан жұмысымен танысты. Бүгінде бастау коворкинг орталығында жастар тың жобаларын бастап, сөзден іске көшіп кеткен. "Жетістікке 100 қадам" атты жаңа бағдарлама, «бойжеткен» қыздар клубы да тың жобалар қатарында. Мұнда робототехника бойынша шеберлік сыныптары, ағылшын тілі, тігін өнері мен қолөнер, домбыра үйірмелері ашылған. Тегін үйірмелердің жұмысына облыс басшысы да сәттілік тіледі. Еркін форматтарағы ашық алаңға жиылған жастар да өз жетістіктерімен бөлісіп, кәсіп бастау, қоғамдық жұмысқа араласу, тіл үйрену бойынша ақыл-кеңестер алды. Айта кетелік, облыс басшысы Мемлекет басшысының тапсырмасына сәйкес, енді қосымша 20 мың білім гранты бөлінетінін де жастарға жеткізді. Биыл екі бірдей жатақхана салу жоспарлануда.
