Батыс Қазақстан облысы бойынша көліктік бақылау инспекциясы мен жергілікті полиция қызметі басқармасының мамандары бақылауға алған учаске - Бортау ауылындағы жол трассасы. Мұнда көпір арқылы ауыр жүк және қауіпті көлік құралдары қатынайды. Жүргізушілердің мойнында қауіпті жүктерді жеткізудің талаптарын орындау міндеті жүктелген. Әсіресе, сақтық шараларын сақтау жанар-жағармай тасымалын жүзеге асыратындар үшін маңызды. Заңбұзушылықты болдырмау мақсатында көліктік инспекция бір ай көлемінде «Назар аудар! Қауіпті жүк» акциясын өткізетін болады.

БАУЫРЖАН СРАЖАНОВ
БҚО БОЙЫНША КӨЛІКТІК БАҚЫЛАУ ИНСПЕКЦИЯСЫНЫҢ БАС МАМАНЫ

Акция аясында қауіпті көліктердің бірінен соң бірі тоқтатылды. Мамандар құжаттарды тексеріп, бекітілген тасымалдау қағидаларын қоса түсіндіреді. Жүргізушілердің заңнама қағидаларын қатаң сақтайтыны сезіледі. Әзірге кінәрат анықталмады. Қауіпті көлік иелері сала өкілдері тарапынан үнемі бақылау жасалғанын қолдайтындарын жеткізді.
АНДРЕЙ МАТВИЕНКО
ЖҮРГІЗУШІ

АЙЫМ СҮЛЕЙМЕНОВА
ТІЛШІ