0:00 / 0:00
Облыс әкімі Ғали Есқалиев Оралдағы «Uniserv Medical Center» көпбейінді емханада болып, жаңадан ашылған ота жасау бөлімінің жұмысымен танысты. Емхана дәрігерлері бөлімдердегі жаңа құрылғыларды көрсетіп, олардың жұмыс істеу жайжапсарын әңгімеледі. Бас директордың бірінші орынбасары Сәуле Бұлқашеваның айтуынша, емхананың 2020-2021 жылдары Жапония мен Германияда шығарылған сарапшылық санаттағы жабдықтармен жабдықталғанын атап өтті.Батысқазақстандықтар медициналық қызметтің кейбір түрін алу үшін Нұр-Сұлтан мен Алматыға баруға мәжбүр. Олар квота бойынша өз кезегін ұзақ күтеді немесе бұл қызметтерді шетелдердегі емханаларда ақылы негізде алады. Енді жаңа жоғары технологиялық жабдықтар емханада бар. Мұндай жабдықтармен тәулік бойы жұмыс істейтін орталықта ерекше оталар жасалып, диагностикалық зерттеулер жүргізіледі. Жаңа жабдықтардың өңір түгілі күллі Қазақстанда баламасы жоқ.
