Күні кеше өңіріміздегі маңдайалды оқу орындарының бірі - М.Өтемісов атындағы БҚМУ-і бірінші курс білімгерлерін студенттер қатарына қабылдады. Мерекелік шара жылдағыдан өзегерек Мұз айдыны спорт сарайында ұйымдастырылып, қазақстандық жұлдыздар да өнерлерін көрсетті. Кеш қонақтары - жас өрендер қызықты да, бақытты кез студенттік шақтың басталғанын енді сезінгендей болды. Тағылымды тәрбие мен өрелі білімнің іргелі ордасы атанған - М.Өтемісов атындағы Батыс Қазақстан мемлекеттік университеті биылғы оқу жылында 1400-дің үстінде студент қабылданды. Салтанатты жиында сөз алған университет ректоры Нұрлан Серғалиев:" Қазақстандағы көшбасшы оқу орнына түсулеріңізбен шын жүректен құттықтаймын, білім алу жолындағы сапарларыңыз сәтті болсын!",- дей келе, «Білім» атты ғажап әлемнің сырларын бойға дарытуға келген 1-курс студенттеріне сәттілік тіледі. ХХІ ғасыр - жаңалығы желмен жарысқан, ой өрісі ғарышпен таласқан білімді жастардың ғасыры. Өмірдің жаңа парақтарын енді ашқан студент жастардың қазіргі қалауы - зерек те зейінді, алғыр да тапқыр, білгір де білікті болу. Жүректерді ән-жырға бөлеген керемет кеште студенттерден өзге университеттің профессор-оқытушылары мен есімі елге белгілі түлектері қатысып, жекелей өнерлерін көпшілікке паш етіп, студент жастарға ұмытылмастай кеш сыйлады.