Орал қалалық кітапханалар жүйесінде қос кітаптың тұсаукесері өтті. Жаңа туындының бірін -филология ғылымдарының кандитаты, профессор Сұлтанғалиева Рита Бекжанқызы мен оның шәкірттері бірлесе жазған. Зерттеу еңбектері 2021 жылы Қазақстан Республикасы Тәуелсіздігінің 30 жылдығы қарсаңында жарық көрген. Авторлық ұжым қатарында оқытушының магистр студенттері де бар.

Қазақ әдебиеттану ғылымы жаңа екі монографиямен толығуда. Авторлар еңбегі "Қазақ кітабы" баспасыннан жарық көрген "Тәуелсіздік кезеңіндегі жас қаламгерлер прозасы және әлемдік әдеби дәстүр ықпалдастығы: готикалық, мистикалық, магиялық мотивтер", "Смағұл Елубай прозасы: ұлт тарихы, ұлттық болмыс, ұлттық характер және суреткерлік шеберлік" деп аталады.

Мерейлі кешке БҚУ университетінің профессор-оқытушылыр құрамы, жас ғалымдар мен студенттер және оқырмандар қауымы да қатысты. Меймандар аталған қос еңбектің тұсау кесерін тамашалап, еңбектің маңыздылығын тілге тиек етті.

Әдебиеттану ғылымын жаңадан толықтырған екі еңбек оқырмандардың назарына ұсынылмақ. Әдеби кеш әсем әуенмен қорытындыланды.