Мамандардың айтуынша, әу баста дұрыс сұрыпталып, жиналмаған қоқыс қайта өңделетін шикізат ретіндегі құндылығын жояды. Өкінішке орай ауыл маңында үйіліп жатқан қоқыстарды айтпағанда, ірі қалалардың өзінде көшенің сәнін кетіріп тұрған қоқыс жәшіктерінен шыққан жағымсыз иіс, шашылып жатқан қалдықтар қоршаған ортаға зиянын келтіріп отыр. Оған қоса ірі кәсіпорындардан шығатын қалдықтардың да экологияға әкеліп отырған қауіп орасан зор. Үкімет Экологиялық Кодекс қабылдады, тиісті орган жылда жаңа жоспарларын жариялайды. Бірақ елде қоқыс мәселесі өз шешімін таппай отыр.
Техногендік-минералдық қалдықтар да артып жетіледі.
Қоқысты іріктеуге не кедергі? Экологтар тұрмыс қалдықтарын өндейтін технология жолға қойылмаған, қажетті ресурстар тапшы, күнделікті шығатын қалдықтардың көлемі артып жатыр, оған қоса қоқыс тастау мәдениеті жоқ. Үкімет басшысы елдегі тұрмыстық және өндірістік қалдықтарды қайта өңдеу жұмыстарын сынға алды. Өткен жылы 5 млн тоннаға жуық тұрмыстық қалдық жиналған, оның 26 пайыз ғана қайта өңделген. Экология министрлігі қоқыс мәселесін шешуде ауыз толтырып айтатын шаруа тындырмады деді Бектенов.
Бас экологтың жауабынан түсінегіміз талапқа сай полигондарды салу жұмысы қаржыға тіреліп тұр.
Қоқысты жинап, сұрыптау мәселесі шешілмей тұрғанда. Оны қайта өңдейтін зауыттар саламыз деу құр сөз болып қалмаса игі. Үкімет жыл басында Қазақстанда қоқыс өңдейтін 41 зауыт салынатынын хабарлағанды. Экология министрлігінің қарауында жалпы сомасы 307 млрд теңге болатын 65 жоба бар көрінеді.
