Қазіргі уақытта өңір аумағындағы барлық өзен-көлдер қысқы режимде. Мәселен, Жайық өзеніндегі мұздың қалындығы 40-60 см болса, Шаған, Деркөл және кіші өзендердегі мұздың қалыңдығы 50-60 см -ді құрап отыр. Осыған орай, Жайық өзеніндегі көктемгі ең жоғары су басу деңгейі - қауіпті дегенде 850 см -ді, Көшім өзені - 800 см-ді құрайтын болады. Қараөзен мен Сарыөзендер қалыпты деңгейде деп ақпарат таратып отыр - ТЖД. Су тасқыны жағдайларының алдын алуда, өңірлік төтеншеліктермен әуелден-ақ іс-шаралар қатары атқарылып қойылған. Мәселен, осы жылдың 26 ақпаны күні облыстық төтенше жағдайлар комиссияларының отырысы өтті - дейді сала мамандары. Бүгінде саяжай алқаптарын тұрақты мекендейтін азаматтардың жалпы саны - 9700. Осы аталған тұрғындарға саяжайларды су басқан жағдайда, бірінші кезекте орындалар іс шаралар да құлақтандырылып үлгерген. Облыста 25 уақытша орналастыру пункті бар болса, ал қаламызда олардың саны 7-еу. Су тасқынына қарсы іс-шаралар осы қарқында жалғаса бермек.