Жаңа жылда балабақша тәрбиеленушілеріне сыйлық жасауға болмайды. Бұл шындыққа жанаса ма? Тәрбиешілерге сыйлық беруге болмайтыны белгілі. Ал, Аяз атадан тосын сый күтетін балдырғандар көңілін немен көтереміз? №18 "Балдырған" бөбекжайының тәрбиеленушілерінің ата-аналары балаларына жаңа жылға қандай сыйлық жасарын білмей дал. Осы мәселені шешіп алу үшін бүгін олар балабақшаға жиналып, директорға уәждерін жеткізді. Ата-аналар мен түсірілім тобымызды басшылық жылы шыраймен қарсы алды. Директордың сөзінше, ешкім сыйлық жасуға қарсылық білдірмеген. Бар болғаны тәттінің пайдасынан зияны басым болғандықтан оны өзге пайдалы дүниемен алмастыруға болатынын айтады.Аталған мәселеден қалалық білім беру бөлімінің мамандары бейхабар болып шықты. Олардың тарапынан ешқандай бұйрық болмапты. Осы орайда наразы топтың өкілдері арнамызға түс ауа қайтадан келіп жағдайдың реттелігінін мәлімдеді.Айта кететін бір жағдай балаларыңызға сыйлық жасау, не жасамау әркімнің өз еркінде. Бұл қос тараптың өзара келісімдеріне байланысты шешілетін мәселе.