0:00 / 0:00
Орал қалалық мәслихатының депутаттары шаһар бюджетін бекітті. Өзгертулерге сәйкес қала бюджеті 5 млрд 911,2 млн теңгеге ұлғайыпты. Қыруар қаржының дені облыстық бюджеттен және республикалық қазынадан бөлініпті. Орал қаласының бюджеті азаматтық және мемлекеттік қызметшілердің жекелеген санатттарына еңбекақыны арттыруға, екі тұрғын үйді қаржыландыруға, қала жолдарын жөндеуге, аз қамтылған көп балалы отбасылар үшін баспана салуға, оқулықтар сатып алу үшін жұмсалмақ. Барлық өзгерістерді ескерген депуттаттар қала бюджетін 50 млрд 593,8 млн теңге деп бірауыздан бекітті. Сондай-ақ, кезектен тыс сессия барысында халық қалаулылары 6 адамға Орал қаласының құрметті азаматты деген атақты беруге дауыс берді.
