Кездесуге сайлау комиссиясының төрағалары, прокуратура қызметкерлері қатысып, үлкен саяси жайтты абыроймен атқару үшін алдын ала әзірлік жасаудың маңыздылығына тоқталды. БҚО-да 400 мың адам сайлауға қатысады. Дауыс беру 523 сайлау учаскесі бойынша жүзеге асады. Бұл жөнінде мәлім болған бүгінгі кездесуде сайлауды абыроймен өткізу үшін жан-жақты дайындықтың мықты болу қажеттігі айтылды. Және бүкіл ел бойынша бір мезетте басталатын істің белгіленген уақытта басталуы үшін комиссия мүшелерінің кешігуге болмайтыны да қатаң ескертілді. Ал прокуратура қызметкерлері алдағы ел көшбасшысының кезектен тыс сайлауын өткізуде заң бұзушылыққа жол бергендердің жауапкершілікке тартылатынын түсіндірді. ҚР президентігіне үміткерлер арасынан халық болып ел тізгінен лайықтысын сайлау-жауапкершілігі мол шаруа. Сондықтан ол жерде болашаққа бей-жай қарамайтын әр адамның таңдауы маңызды. Естеріңізге саламыз, сайлау-2015 жылдың 26-сәуірінде өткізіледі.