0:00 / 0:00
Көп балалы ана Әсия Сағиева кішкентай Інжуді дүниеге әкелген соң омырау сүті тартылып қалғанын байқайды. Бұл оның бесінші перзенті. 38 жастағы әйел дәрігерлерге өз мәселесін айтып, нәрестеге арнайы құрғақ сүт қоспасын алып, қоректендіріп жүрген. Ал соңғы екі айда балаға берілетін сүтті ала алмай, қиналып жүргенін айтып шағымданады. Денсаулық сақтау басқармасы құрғақ қоспалы балалар сүті тек ауыр дертке шалдыққан, қан ауру, қатерлі ісі, жүйке және жүрек талмасы, бүйрек пен туберкулез ауруларына шалдыққан аналардың сәбилеріне берілдетін мәлімдеді. Сатып алу жүйесіне биылдан бастап өзгеріс енгізілген. Министрліктің бұйырығына сай енді аталмыш мәселемен СК фармация мекемесі айналысатын болыпты. Ал қазір туындаған тапшылық мәселесі уақытша қиындық деген мамандар, оны шешуге уәде етті.
