0:00 / 0:00
29 қазан-дүниежүзілік инсульт күніне қарсы күрес күні. Осы сырқаттың алдын алу үшін "City Center" ойын-сауық орталығында "Білгеніңіз-ұзақ өмір сүргеніңіз" акциясы өтті.
Әлемде жыл сайын инсульттан 12 млн адам көз жұмады. Жыл санап осы сырқатқа шалдығатын жандардың қатары артуда. Дәрігерлер кесел жасарып барады деп дабыл қағуда.
Инсульттің алдын алу үшін "Батыс қамқор" жастар қоғамдық бірлестігі "Білгеніңіз-ұзақ өмір сүргеніңіз" атты акцияны ұйымдастырды. Дәрігерлер "Сити центр" ойын-сауық орталығында азаматтардың қан қысымын тексерді.
Ақ халаттылардың қабылдауында болған жандардың қарасы қалың болды. Қоғамдық бірлестік өкілдері қала тұрғындарына инсульттің алдын алуға арналған үн парақ таратып, дәрігерлер саулықты сақтауға арналған кеңесімен бөлісті.
