Тұрғын үй бағасы қараша халықты қашан да бей-жай қалдырмайтыны белгілі. Тұрғын үйдің бір бұрышынан өзіңе тиесілі шаршы метрге қол жеткізу үшін қаншама тұрғын тынбай еңбек етіп жүр. Қазіргі таңда елімізде баспана бағасының бұлайша қымбаттауының басты себебі - үй иелерінің бағаны қалағанынша өсіруі. Осылар - нарықты қалыптастырушылар.

"Қазіргі таңда елімізде доллардың ауытқуы бар.Өкінішке орай, баспана иелері сол себепті бағаны көтере бастайды. Бұл нақты бағаның өсуі емес", - деп атап өтті Қазақстан риэлторлары біріккен қауымдастығының президенті Лариса Степаненко.

Қазір халықта тұрғын үй таңдау түгілі, оны сатып алуға қолма-қол қаражат жоқ. Көпшілігі банк берген несиеге жүгініп жүр. Банктердің бірқатары ипотека бойынша алдын-ала төлем жасағандар талаптарын орындамайды, - дейді сарапшылар.

Бағаның өсуі -жаңа сұранысты анықтайды. Сондықтан бізде банк несиелерінде жоғары пайыздық мөлшерлемелер бар. Тұтынушылардың барлығы банктің талаптарына сай өтеді - деп айта алмаймын. Өйткені, халықтың әл-ауқаты төмен. Ал Жұмыс орындары қысқаруда, -дейді Қазақстан риэлторлары біріккен қауымдастығының президенті Лариса Степаненко.

Статистика мәліметі бойынша баспана сатып алып, оны қайта сату дерегі жиі тіркелетінін көрсетіп отыр. Яғни, алыпсату көп-көрім кәсіпке айналған. Батыс өңірі баспана алып сатудың көптігі жөнінен елде бесінші орыннан көрініп тұр.