0:00 / 0:00
Шекаралас жатқан екі бірдей облыстың малшыларына маза бермеген барымташыларға сот үкім кесті. Батыс Қазақстан облысы соты хабарлағандай, айыпталушы - төрт адам. Бірақ сот оларды қылмыстық топ ретінде қарастырмай, әрқайсысына бөлек шешім шығарған. Сотталушылар жергілікті тұрғындар. Үшеуінің туыстық қатынасы болған. Олар жергілікті төрт-түлікті ғана емес, Атырау облысының да малдарын қолды еткен. Сотталушылардың үйінен, айғақ зат ретінде сойылған мал еті, балта, пышақ секілді құралдар және мылтық, оқ-дәрі табылыпты. Ұрылар олжалаған төрт түліктің 79 пайызы жайылымнан жоғалған. Малын жоғалтқандардың кейбірі бір жыл өткеннен кейін ғана полицияға шағым түсірген. Сот ұрыларға 5 жылдан 7 жыл аралығында бас бостандықтарынан айыру жазасын тағайындады.
