"Ақ жол" Қазақстан Демократиялық партиясының төрағасы Азат Перуашев Ақтөбе облысының әкімімен кездесті. Кездесу барысында саяси партияның басшысы мен облыс әкімі кезектен тыс ұйымдастырылатын сайлау туралы пікірлерін ортаға салған болатын. Жиын барысында сөз алған Азат Тұрлыбекұлы еліміздің әрбір аумағында өтіп жатқан облыстық конференцияларға тоқталып, делегаттардың сайланып жатқандығын тілге тиек етті. Қазірдің өзінде "Ақ жол" партиясының төрт мүшесі сайлауға қатысқысы келетіндігін жеткізіпті. Ал, сайлауға кімнің қатысатындығы 24-сәуірде белгілі болмақ.
