0:00 / 0:00
Е. Пугачевтің мұражай-үйі 18-ғасырдағы сәулет өнерінің туындысы және құнды тарихи ескерткіш болып саналады. Мұражайда бас қосқан мектеп оқушылары мен жастар және ҰОС ардагерлері соғыс жылдарындағы әндерді шырқап, сол кездегі жауынгерлердің сағынышы мен махабатты тұнған әуенмен рухтанды. Ия, сонымен қатар, ҰОС-ның ардагері Павел Букаткин осынау кездесудің қадірменді қонағы болды. Ол осы әндерге тыңдай отырып, соғыстың жалында өткен жастық шағын еріксіз еске түсіргенін айтады. Аталмыш шараға "Отан алдындағы қасиетті" борышын өтеп жүрген сарбаздар да қатысты. "Қара түн", "Тырналар", "Көк орамал", "Жеңіс күні" сынды әндерді шырқаған әскери киімдегі жастар ата-баба ерлігі мен олардың қалдырған мұраларын мәңгі есте сақтаймыз,-деп тарқасты.
