0:00 / 0:00
Орал қаласында Республика күнінде пәтер кілттері табысталды. Ұлттық мерекеде 78 отбасы қоныс тойын тойлады.
Республика күнін 78 отбасы ұзаққа дейін жадында сақтамақ. Ұлық мерекеде жылдар бойы пәтер кезегінде тұрған жандардың арман-тілегі орындалып, баспанаға ие болды. Азаматтардың қуанышын қала әкімі бөлісіп, оралдықтарды мерекемен құттықтады.
Қоныс тойын тойлаған жандардың бірі -Бақыт Молдашева. Ол 2006 жылы мүгедектігі бар баланы тәрбиелеп отырған азамат ретінде пәтер кезегіне тұрған. Жанұя жаңа қонысына дейін пәтер жалдап, соңғы жылдары саяжайда жан баққан.
Облыс орталығында 11 үйдің құрылысы жүріп жатыр. Оның бесеуі "Ақжайық" шағын ауданында бой түзеп, биыл пайдалануға тапсырылмақ. Қалалық әкімдіктің таратқан ақпарына сүйенсек, қазіргі таңда Орал қаласында 22 мыңнан астам адам баспана кезегінде тұр.
