Қазақстан жолдарында жүйіткіп жүрген армян көліктерін жүргізушілер 2021 жылдың наурызына дейін тіркеуі қажет. Бұрындары шетелдік темір тұлпарларды 31-тамызға дейін рәсімдеу керек болатын. Күні бүгінге батысқазақстандық 1070 азамат армяндық көліктерін тіркепті. Сала мамандары темір тұлпарларды есепке қоюда еш қиындық жоқ екенін айтады. Тек көліктің барлық құжатын алып, орталықтандырылған халыққа қызмет көрсету орталығына келу қажет. Және жүргізуші темір тұлпарды тіркеу, техникалық құжат пен мемлекеттік нөмір алу үшін 12 мың теңгедей қаражат төлейді. Ескерте кететін жәйт, 2020 жылдың 1-ақпанына дейін еліміздің аумағына алып келінген армян көліктерін ғана тіркеуге рұқсат берілген.
Сурет ғаламтордан жүктелген
