Әлеуметтік қызметтер порталы 2020 жылдың 1 қаңтарынан жұмыс жасап келеді. Негізгі мақсаты- мүгедек жандарға қажетті оңалту құралдары мен қызметтерді жеткізушіден тікелей алуға мүмкіндік беру. Яғни, осы портал арқылы әр топтағы мүгедек сайтқа кіре отырып, әлеуметтік қызметтердің 5 бағыты бойынша көмек алады.
Қазан айында порталдың екінші кезеңі басталды. Порталға жеке көмекшінің, санаторий-курорттық емдеудің және ымдау тілінің мамандарының қызметтері енгізілді. Аталмыш қызметтерді алу үшін міндетті түрде электрондық-цифрлық анықтама болуы керек. Осы орайда сала мамандары тұрғындардың арнайы қолтаңбаны алуға қауқарсыз екенін айтады. Бүгінде порталға дербес тіркеліп, түрлі қызметті алып жүрген азаматтың бірі Миханов Бейбіт. 1-ші топ мүгедегі Бейбіт цифрлық қолтаңбаны алып, өзіне қажетті қызметтерге сұраныс тастап келеді.
Әлеуметтік қызметтер порталына толық көшу 2021 жылдан бастап жүзеге асады. Яғни, кембағал жандар үйден шықпай-ақ «бір терезе» арқылы уақытылы әлеуметтік көмек алуға көшетін болады. Басты талап- электрондық -цифрлық қолтаңбаның болуы. Орал қаласында 4989 кембағал жан болса соның тек 2700-інде ғана арнайы қолтаңбасы бар. Ал қалған 2216 мүмкіндігі шектелі жан әлі де электрондық-цифрлық қолтаңбаны алмай жүр.