0:00 / 0:00
Авто көлік кәсібі ассоциациясы берген мәліметке сүйенсек, жеңіл көліктерді шығару көлемі елімізде 37 мың бірлікке артыпты. Алайда оның өтімділігі шамалы болып отыр. Басты себеп Ресейдегі ахуал. Бағаның құлдырауын пайдаланған отандастармызы керек жарағын осынан сатып алу тиімді деп ұғынса керек, жергілікті өнімге мойын бұрмай қойды. Жыл басынан бері көрші елден 50 мың көлік әкелініпті. Қазақстанның өзінен шығатын көліктің саудасы жүрмеуі жеңілдікпен несие беру туралы шешім шығаруға түрткі болған еді. Осы мақсатқа 15 млдр теңге бөлінген. Жағдай біздің өндірісшілердің еңсесін көтерді ме? Осы мәселені білмек болып сауда орнына бас сұққанымызбен, сұхбат беруден бас тартты. Себебі шаруалары әлі шатқаяқтап тұрған сықылды. Әзірге БҚО-ның тұрғындары көлік құралын сатып алу үшін, шекаралас елге сапарлауын тоқтатар емес. Соныдықтан ел экономикасына демеу болады деген бар үміт тек жеңілдікпен берілер несиелерге ауып отыр.
