Батыс Қазақстан облысында қызылша ауруының белгілері байқалды. БҚО Денсаулық сақтау басқармасының баспасөз қызметкері Айнагүл Сақпосынованың хабарлауынша жүргізілген эпидемиологиялық зерттеу барысында науқастың Астана қаласында болғаны анықталды. Ол онда қызылшамен сырқаттанған науқастармен жақын қарым-қатынаста болған. Науқас бүгінде жұқпалы аурулар ауруханасына жіберіліп, диагнозды растағаннан кейін ауруханаға жатқызылды. Айта кеткен жөн соңғы жылдары облыста аурудың бірде-бір жағдайы тіркелген жоқ. Бүгінде қызылшаның алдын -алу бағытында облыста барлық жағдай жасалған.
