Бұл жөнінде өңірлік коммуникациялар қызметінде өткен жиында мәлім болды. Аймақта зергерлік бұйымдармен және қымбат тастармен жұмыс жасайтын 5 кәсіпкер ресми түрде тіркелген екен. 2017-жылы оларға 58 тексеріс жүргізіліп, 21 талап бұзушылық анықталған.
"2017 жылы зергерлік дүкендерге 14 жоспардан тыс тексеріс жүргізілді. Оның 4 жағдайында талапқа сай келмеушілік анықталып, кәсіпкерлерге 726 мың теңге айппұл салынды. Сонымен қатар, мемлекеттік белгілер орнатылған мекемелерде тексеріс жүріп жатыр. Өткен жылы 104 мекеме тексеріліп, 72 құқық бұзушылық әшкере болған еді",-дейді БҚО техникалық реттеу және метрология департаменті басшысының міндетін атқарушы Салават Вахитов.
