0:00 / 0:00
Орал қаласында республикалық "Еуропа-Азия" атты туристік- фестиваль өтуде. Ел біріншілігінде туризм саласында жұмыс істейтін педагогтер өнер көрсетуде. 2 жыл қатарынан ұйымдастырылған фестивальге 120-ден астам ұстаз қатысуда.
Туризм саласында жұмыс істейтін педагогтер Орал қаласында бас қосты. Игі дәстүрге айналған шара екі жыл қатарынан өтуде. "Еуропа-Азия" туристік-фестиваліне арнайы Түркістан, Тараз, Ақтөбе, Маңғыстау облысы мен Астанадан келген ұстаздар өнер көрсетті. Батыс Қазақстан облысынан 5 аудан мен қаладан 2 команда байқауда бақ сынады.
Сайыстың бірінші кезеңінде спортшылар өткелдер қашықтығы бойынша сынға түсті. Осы байқауда Түркістандық команда бас жүлдені қанжығалады.
Ел біріншілігінде оқушылардың бейнероликтері сынға түсті. Фестиваль қатысушылары бард әндерін орындайтын әншілердің өнерін тамашалады. "Еуропа-Азия" фестивалі 20-шы қыркүйекте өз мәресіне жетеді.
