Орал қаласында бір топ азамат жасаған жұмыстың өтемақысын ала алмай сенделіп жүр.
Бұл азаматтар күнде осы жерде кездеседі, осы есікті қағып атқарған жұмыстың ақысын сұрап жүргендеріне екі айдай болыпты. Осы жерде бізбен тілдескен құрылысшы азаматтардың айтуларынша олар "Алатау-Альдан-Агро" ЖШС қарамағында жұмыс жасаған, құрылыс жұмыстарын аяқтаса да бүгінде қажетті жалақыны ала алмай отырғандарын айтып шағымданады.
Қазір құрылыс саласында жұмысшының жалақысын бермеу деген дүние сәнге айналып бара жатқандай, көп мердігерлер келісімшарт жасамай тегін жұмыс күшін пайдаланғанды жақсы көретіні жасырын емес, ал егер "Алатау Альдан Агро" ЖШС қатысты бар айыптаулар расталса әкімшілік айыппұлдар салынып, компания жауапкершілікке тартылатын болады, - деді еңбек инспекциясының мамандары.
