0:00 / 0:00
Қабырғасы сөгіліп, кірпіштері опырылып тұрған білім ошықтарының бірі - қалалық №31 мектеп. 1691 жылы қабырғасы қаланған ғимарат салынғалы бері еш жөндеу көрмеген. Ал оқу ордасының бүгінгі жағдайы көңіл көншітпейді. 410 оқушы білім нәрін сусындап жүрген 31 мектеп күн өткен сайын балаларға тар боп барады. Себебі, оқушы саны артып келеді. Кеңестік дәуірде салынған оқу ошағы заманауи талаптарға да сай келмейтіні айтпаса да көрініп-ақ тұр. Мектеп әкімшілігі де сөгіліп тұрған қабырғалардың қанша жамалғанымен жарыла беретіндігін жасырған жоқ. Десе де, бұл мәселенің басы ғана.
Бұл мектептен бөлек, қаладағы 21, 22, 45, 32 және 13 мектептерді күрделі жөндеуден өткізу жоспарлануда. Сондай-ақ, қала санының өсуіне байланысты шаһарда тағы 4 мектеп салынбақ.
