Шаһардағы Ремзавод және балабақша аудандары шағын бизнес нысандарына толы. Оның ішінде жабық базар мен азық-түлік дүкендері көп. Сенбелік жұмыстары басталғалы аталмыш нысан иелері өз аумақтарын қоқыс қалдықтарынан тазартуы тиіс деп міндеттелді. Бірақ тазалық шарасын атқаруды қиынсынып, түрлі сылтау айтатын кәсіпкерлер аз емес. Салдарынан орталық көшенің кескін-келбеті сын көтермейді. Бүгін осындай кәсіпкерлерге түсіндірме жұмыстары жүргізілді.
Жалпы соңғы екі күн ішінде 30 - дан аса шағын кәсіпкерлік нысан тексеріліпті. Нәтижесінде 4 хаттама толтырылған. Саудасын дөңгелетіп отырған кәсіпкерлердің басым бөлігі ғимаратты жалға алатын көрінеді. Сәйкесінше, орналасқан орын жайдың қасбеттерін әрлеу жұмыстарына салғырт қарайды. Айтуларынша, бұл жұмыстарға нысанның иесі жауапты деп санайды.
Кәсіп иелері бизнес нысандары алып жатырған аймақты өз күшімен тазартуы керек. Бұл жұмыстардың ішіне-ғимараттың сыртқы қасбетін әрлеу де жатады. Сенбіліктің талапқа сай өтуін құрылған мониторингтік топ бақылайтын болады.
Естеріңізге салсақ, өңірде тазалық айлығы басталды. Облыс орталығы сенбілік жұмыстары үшін 20 аумаққа бөлінді. Екі ай ішінде орталық көше мен әр нысанның аумағын жинау, көгалдандыру, ғимараттардың қасбеттерін сырлау жұмыстары жүргізіледі.