2020 жылы БҚО-да мемлекеттік сатып алу саласында 16 қылмыстық іс тіркелген. Халықтың қаражатын қалтасына басқан он азаматтың үстінен іс қозғалыпты. Жымқырылған ең қомақты сома 116 млн теңгені құрайды.

Облыста халықтың қаражатына қол сұғып, бармақ басты көз қыстыға барып, мемлекеттен деп бөлінген қыруар қаржыны жымқырып жатқан деректер азаймай тұр. Өткен жылы өңірде 16 қылмыстық іс тіркеліпті. Оның 10-ы сотқа жолданса, 6- ы қысқартуға ұшыраған. Қылмыстың бірі -Теректі ауданына болған.

Сала мамандарының таратқан ақпарына сүйенсек, тендер бөлу саласында тіркелген жемқорлықтың кесірінен мемлекетке 789 млн теңгедей шығын келген.

-2020 жылы түрлі қызмет үшін ойнатылған 800 млн теңгедей қаражат үнемделіпті. Ал ауданаралық экономикалық соттың келтірген дерегіне сүйенсек, былтырғы жылдың 9 айында мемлекеттік сатып алу саласына қатысты 611 арыз келіп түсіпті. Оның 440-ына қатысты сот үкімі шыққан,-дейді тілші  Ажар Хамитова.

Сурет https://gz.mcfr.kz/ сайтынан жүктелді.