Жануарлар бағында ұзын тұмсықты жанат пайда болды. Бұрын-соңды экологиялық-биологиялық орталықта мұндай жануар түрі болмаған. Адам қолына үйренген жанат тез қимылдайды, қолдан тамақтанғанды жақсы көреді, ешкімді жатырқамайды. Сол себепті келушілер оны ұстап көруіне болады. Сүйікті асы-жеміс-жидек, тəттілер жəне ет. Оған Сёма деп ат қойыпты. Негізінен Оңтүстік Азияны мекен қылатын жанатты баққа тапсырыспен алдырған. Орталықта қазір 91 түрлі 200-ден астам тіршілік иесі бар. Жануарлар қыстан аман-есен шығыпты.

Бүгінде экологиялық-биологиялық орталықта 200-ге тарта тарта аң-құс бар. Қазіргідей суықта олардың суыққа төзімсіздері және төзімділері бөлек қойылып бағылуда. Қазіргі сыртта қалған аңдардың барлығы да суыққа төзгіш, терісі қалың жануарлар. Аюлар сары аязда ұйқыға кетсе, суыққа төзімді жылқылар мен тау құстары міз бақпайды. Ал тым сезімталдар үшін тордың ар жағында да жылы үйшіктер бар. Айта кетелік, жануарлар бағында қазір жұмыс қызып тұр. Оқушылар да бос уақыттарын тиімді өткізу мақсатында мұнда жиі келіп, жан-жануарлар әлемімен танысып, түрлі тәжірибелік сабақтар өткізеді.