Орал қаласы жылыту маусымына дайындықты ширатқан. Бүгінге дейін жоспарланған жұмыстар шамамен 90 пайызға аяқталған. Бұл туралы қала әкімінің орынбасары Жандос Дүйсенғалиев облыстық әкімдікте өткен аппараттық кеңесте мәлімдеді. Оралдағы жылу желілерінің тозуы жылға 50,4% құрайды. Қауіптің алдын алу үшін шағын шаһарда инфрақұрылымды жаңарту жұмысы жүйелі түрде жүргізіліп келеді. 340 мыңнан аса халқы бар облыс орталығының жылу желісінде өткен жылыту маусымында айтарлықтай қауіпті апат болмаған. Ғимарат ішіндегі құбырлардың тарылып, бітелуі тәрізді ұсақ-түйек ақаулар ғана тіркеліпті. Алайда оның бәрі тұтынушыларды желіден ағытпай-ақ жөнделген. Қалада жылыту маусымына дайындау штабы құрылып отыр. Бүгінгі таңда ЖЭО бойынша жөндеу жұмыстарын орындаудың жалпы пайызы 63%, 130,7 млн теңгені құрайды. Орал қаласы бойынша 1210 үйдің 444-і немесе 37%-ы дайын. Қосалқы жабдық бойынша жұмыстардың орындалуы- 61%, құрайды. Әлеуметтік нысандар жылыту маусымын ерте бастайды.
Апараттық кеңесте одан әрі қарай әлеуметтік нысандардың жылыту маусымға дайындығы пысықталды. Алдымен облыстық білім беру басқармасының басшысы аудандары мен қаладағы білім беру нысандары қазандықтарының дайындығын баяндады. Басқарма басшысы  Елдос Сафуллин үстіміздегі аптадан бастап құрылған комиссия аудандар мен ауылдардағы нысандар жұмысын бақылауға алғанын, маусымға дейін бірнеше жылыту қазандықтарының сатып алынатынын мәлімдеді. Облыс әкімі күні кеше тағайындалған жаңа басшының жұмысқа ширақ қарауын, қажетті шаралардың жаңа оқу жылына дейін дайын болуын қадағалауды тапсырды. Білім беру нысандары бойынша жылыту маусымына 612 мекеменің 553-ы немесе 90%-ы дайын. Бұдан соң облыстық денсаулық сақтау басқармасының басшысы Мадияр Өтешов емдеу мекемелерінің қысқа дайындығы туралы баяндама оқыды. Қалалық денсаулық сақтау ұйымдары жылыту маусымына дайындық аясында ішкі жылыту жүйелерін шаю және қысыммен тазарту бойынша жұмыстарды жүргізуде. Күзгі-қысқы кезеңге йындық паспорты осы жылдың 10 қыркүйегіне дейін алынатын көрінеді. БҚО энергетика және ТҮКШБ басшысы Мирас Мүлкәйдың таратқан ақпаратына сүйенер болсақ, облыс аумағында 613 км инженерлік желілерге күрделі және ағымдағы жөндеу жұмыстары жоспарланып отыр, соның ішінде бүгінгі таңда 288 км-ге жуық инженерлік желі жөнделген. 214 кешенді трансформаторлық станциялардың 118-сіне ағымдағы жөндеу жұмыстары жүргізіліпті. Электрмен жабдықтау жұмыстары жылыту маусымы басталғанға дейін толық аяқталмақ. Облыс әкімі Нариман Төреғалиев жылыту маусымына дейін барлық жоспарлы жұмыстардың мақсатына жетуін сала басшылары мен аудан әкімдеріне тапсырды.

Оралда жылыту маусымы басталды. Бұл туралы бүгін Орал қаласы әкімінің орынбасары Мирас Мүлкәй мәлімдеді. Айта кеткен жөн, алдымен 20-шы мектеп, Жазира және Зашаған кенттеріндегі көп қабатты үйлерге жылу беріледі. Жайықжылуқуат» АҚ мамандарының айтуынша, апта соңына дейін толықтай шаһардағы көп қабатты үйлер жылу көзіне қосылады. Биыл Зашаған кентіндегі жылыту қазандықтары толықтай жаңғыртудан өтуі себепті алдымен осы аудандадағы көп қабатты үйлерге жылу беріледі.

Орал қаласында 1208 көпқабатты тұрғын үй бар. Оның 785-Пәтер иелері кооперативіне қарайды. 43 баспана мүлік иелерінің бірлестігіне өткен. Ал 350 үй ешбір ПИК-не өтпеген. Мамандар осы үйлерді қысқы жылу маусымына дайындау қиынға соғатынын айтады. Биыл 6 мың шақырым жылу желісі алмастырылған. "Жайық жылу қуат" мекемесі жөндеу жұмыстарын ұйымдастыру үшін 198 млн. теңгедей қаражат бөлген. Енді тұрғындардың бережағы туралы айтсақ. Қазіргі таңда оралдықтардың коммуналдық төлем үшін 389 млн. теңгедей қарызы бар.

Естеріңізге сала кетейік: Өткен жылдары "Жайық жылу қуат" мекемесінің көгілдір отын үшін млрдаған қарызы бар еді. Атқарушы билік осы қарызды жауып берді. Бережақ көбейген шақта оралдықтар ыстық судан ажырап қалғаны да есімізде. 2017 жылдары монополист мекеменің басынан дау арылмағаны да белгілі. Мекеменің екі бас директоры жауапкершілікке тартылды. Жылуға жауапты мекеме 3 күн бойы ауа райы сегіз градус болып сақталса, пәтерлерге жылу береміз деп мәлімдеді.

Сурет https://www.uralskweek.kz/ сайтынан жүктелді

12 сәуірде қалада жылыту маусымы аяқталды. Жылумен қамтамасыз етуші кәсіпорын келесі маусымға дайындыққа кіріседі. Жылыту маусымы қалыпты өтті. Тек желілерде шағын апаттар орын алып, ол дер кезінде қалпына келтірілді. «Жайықжылуқуат» АҚ бас директорының кеңесшісі Вячеслав Солодиловтың айтуынша, гидравликалық сынақтар 1 мамырға дейін жүргізіледі.Осыған байланысты ыстық су беруде 1-2 күн үзілістер болуы мүмкін. Оған бірнеше себеп бар.
Әрине, бұл кәсіпорынға едәуір шығын әкелген. Бүгінде жылу таратушы мекемеге тұтынушылардың қарызы - 540 млн. теңгеге жеткен. Одан бөлек өнеркәсіптік кәсіпорындар 57 млн. теңге қарыз. Егер қарыз уақытында өтелсе, жаз мезгілінде ыстық суды айыру мәселесі болмайды дейді сала мамандары. Бүгінде кәсіпорын «ҚазТрансГазАймақ» алдындағы қарызын толығымен өтеген. Ал, Орал Жылу электр орталығы 1960 жылы пайдалануға берілген. Осы орайда коммуналдық мекемедегі қондырғылардың 83 пайызының тозығы жеткен. Осы орайда турбиналық қондырғыны жөндеуге былтыр жобалық-сметалық құжаттама дайындалыпты. Көп ұзамай жаңғырту жұмыстары басталады деп жоспарланып отыр.

Оралда барлығы 1239 көп қабатты үй болса, оның 1196 «ЖайықЖылуҚуат»АҚ қызмет көрсетеді. Пәтер иелері кооперативі қызмет көрсететін 827 үй, яғни 84 пайызы жылыту маусымына дайын, ал иесіз қалған үйлердің 30% ғана салқын күндерге төтеп беруге қауқарлы. Иесіз үйлер деп пәтер иелері кооперативтерінің қарамағына жатпайтындарды айтамыз.
Шаһарда үш жүзден аса қараусыз үй бар. Соның ішінде ең өзектісі жатақханалардың жағдайы екені анық. Алмазов 58-а мекенжайында орналасқан бұл жатақхана ұзақ уақыт бойы жөндеу көрмеген. Оны қолға алып жасайтын тұрғындар да жоқтың қасы. Пәтер иелері кооперативі қызмет көрсетуден бас тартқан. Басты себеп жалға алушылардың көпшілігі ақы төлемейтін көрінеді. Ал керісінше жұмыла жасалған жұмыстың жемісін Мұхит 95 үйінің тұрғындары көріп отыр. Көп қабатты тұрғын үй пәтер иелері кооперативіне тиесілі емес. Бұл жағдай тұрғындардың жылу беру маусымына дайындалуына және үйдің тазалығын сақтауға желеу болмай отыр. Барлық пәтер жылыту маусымына дайын, дәліздері жинаулы, жағымсыз иіс мүлде жоқ. Бұндай ұйымшылдыққа жалпы жиналыс себеп болған. Сол жиында адамдар үйге жауапты басшыны таңдапты. Сол кезден бастап барлық құжаттар реттеліп, қажетті төлемдер төленген. Алда барлық пәтерге жылу уақытылы берілетін болады,- дейді Зоя Кондудаева.
Тұрғын үй-коммуналдық шаруашылығы бөлімі үш күн ішінде ауа температурасы 8 градустан төмен болса, қалада жылыту маусымы басталады деп хабарлады.

Облыста жылыту маусымы жылдағы дәстүрге сай 15 қазаннан басталуы керек еді. Дегенмен ауа райының күрт төмендеуіне байланысты жылыту маусымы уақытынан ерте басталды. Осы орайда үйлерінің әлі де суық екендіктерін айтып, шағымданушылардың қатары басым.

ДҮЗБАТЫР,
ҚАЛА ТҰРҒЫНЫ
Көрші пәтерлерге жылу өткен аптада берілді. Біз суық үйде отырмыз. Батареялар тастай. Бұл мәселе жыл сайын қайталанып келеді. Жарайды әзірге күн жылы. Ал ертең не істейміз? Осыған құлақ түретін жан табылар ма екен?

Тұрғындардың айтқан уәжіне мамандар өздерін кінәлайды. Өйткені үйлерін маусымға дайындамай, тек қыс тақалып, суық алқымнан алғанда ғана жүгіре бастайды екен. Сондай-ақ, олардың жұмысы тек жылуды тасымалдап, жеткізіп берумен шектеледі. Ал көпқабатты үйлердің басым бөлігіне жарты ғасырдан астам уақыт өткен. Бірі жөндеуден өтсе, енді бірі мүлдем жөндеу көрмеген. Сондықтан тұрғындар үйлерін қайта жаңғырту жұмыстарын жүргізіп, мықтап дайындалу қажеттігін мамандар айтады. Бүгінде қала бойынша 21 пәтерге жылу берілмеген.

МҰРАТ БӘЙМЕНОВ,
«ЖАЙЫҚЖЫЛУҚУАТ» АҚ БАС ДИРЕКТОРЫ
Бүгінде қала бойынша 1161 үйге жылу жіберілді. 21 үйге жылу берілген жоқ. Олардың жұмыстарымен пәтер иелері коперативтері жұмыстануда. Осы аптадан қалмай барлық тұрғын үйлерге жылыту беріледі. Жылу маусымы аяқталған соң, мұндай мәселе қайталанбас үшін арнайы комиссия құрылып пәтер иелерінің коперативтерінің жұмыстары қадағаланатын болады.

Осы орайда пәтер иелері коперативтерінің қызметкерлері күн сайын кемінде 3-4 көп пәтерлі үйлерге жылу жіберіліп жатқанадарын айтады. Яғни жылу құбырлары тексеріліп қауіпсіз екеніне көз жетікізілгеннен соң ғана жылу жіберелетін көрінеді.

Шаһарымызда 130 мекеме болса, бүгінгі күні тең жартысы жылумен қамтылып отыр. Ал тұтынушылардың жылу мен ыстық суға қарызы 320 млн. теңгені құрайды.

Қаламызда күн суыта бастаған мезеттен әлеуметтік нысандарды жылуға қосып бастады. Бірінші кезекте-мектептер мен балабақшалар және аураханалар. Энергетика және ТҮКШ басқармасының хабарлауынша, облыстағы әлемтетік нысандарды жылумен қамтуға 3,8 мың тонна көмір мен 700 тонна сұйық отын керек. Қазіргі күні қажеттіліктің басым бөлігі жеткізілген. Қалада жылыту маусымы басталып кетті.

Барлық жылу қазандықтары ағымдағы жөндеуден өткен болатын. Магистральді желілердегі жұмыстар аяқталып келеді. Қазіргі күні қаладағы барлық тұрғын үйлер ыстық сумен қамтыған. Жылу таратушыларға түйінін таба алмай келе жатқан түйіткілді қарыздар мәселесі болып отыр. Халық кәсіпорынға 320 млн. теңге қарыз болса, коммуналдықтардың газға деген қарызы да бұл сомадан қалыспайлы.

Тұрғын үйлерге жылуды таратуға дайынбыз! Бұл "Жайық жылу қуат" акционерлік қоғамының бас директоры Мұрат Байменов мәлімдемесі. Баспасөз мәслихатында сөз алған кәсіпорын басшысы қай құбыр қай жерде жаңарытылғандығын, ол үшін қанша қаржы жұмсалғандығын жіпке тізді. Жылыту маусымына дайынбыз деген басшы қала тұрғындарының жылу үшін қарызын айтып, бережақты қайтару үшін сот орындаушылармен бірге атқарып жатқан жұмыстарының біраз нәтижесімен де бөлісті. Бүгінгі таңда қала тұрғындары қолданған қызметі үшін қанша қарыз?

Күн суытқан сайын тұрғын үйлер мен әлеуметтік маңызы бар нысандардың жылыту маусымына дайындығы пысықталып жатыр. Орал мен Ақсай қаласында бой түзеген көп қабатты тұрғын үйлердің дайындығы тексерілуде. Сала мамандары қала көлемінде орналасқан 1163 тұрғын үйдің 80 пайызы әзірлік паспортын алғандықтарын айтып отыр.

Жылыту маусымына дайындықты баяндаған кәсіпорын басшысы жылу үшін азаматтардың қарызын да тілге тиек етті. Бүгінгі таңда, қала тұрғындарының жылу үшін берешегі 335 млн теңгені құрап отыр. "Жайық жылу қуаттың" басшысы төленбеген қарыздармен  20 сот орындаушымен бірлесе отырып, күресіп жатқандығын айтып берді.

Жылыту маусымында келеңсіздік орын алмау үшін тозығы жеткен құрылғы мен құбырды алмастыру керектігі айтпаса да түсінікті. Қазіргі таңда "Нұрлы жол" бағдарламасы арқылы 3365,5 метрді құрайтын жылу магистралінің қайта құрылысы жүріп жатыр.