Оралда өткен қыстан бастап пайдалануға берілген жылы аялдамалар бағасына қатысты дау шықты. Бұл туралы әлеуметтік желілерде тұрғындар жарыса жазуда. Тіпті құзылы орган өкілдеріне хабарласқан халық мемлекеттен бөлінетін қаражатты талан-таржыға салып жатыр деген пікір қалдырған.Оралдағы бұл аялдамалар бағасы пәтер құнымен пара-пар. Қаланың бірнеше ауданында қоғамдық көлік тоқтайтын аядай нысандардың әр қайсысы 10 миллионға салыныпты. Бірақ сол қымбат аялдаманың өзі тұрғындардың көңілінен шыққан жоқ. Өйткені бағасы тым қымбат. Жаңа аялдамалар өткен жылы 7 млн. теңгеге бағаланса, биыл 10 млн. теңгеге орнатылған. Осы орайда қарапайым халық: «Мемлекеттік сатып алу ісінде заңсыздыққа жол берілген»,- деп шу шығырды. Бұл туралы «Антикор» орталығына 300-ден аса хабарлама түскен. Жылы аялдамаға тапсырыс беруші мемлекеттік мекеме бір бөлмелі пәтердің құнына жететін қаржы мақсатты жұмсалды деп отыр. Бұл мәселе әлі құзырлы орган өкілдерінің зерделеуінде. Нақты ақпарат алдағы уақытта белгілі болмақ.

Оралда алғаш рет жылы аялдама пайда болмақ. Аталмыш аялдама павильоны Еуразия аялдамасында орналасқан. Қазіргі таңда мердігерлер жұмысты аяқтай келген.

Нысан аялдаманы жылытатын арнайы кондиционер, телефонды қуаттау үшін қажет электр тоғымен, бейнебақылау құрылғылармен жабдықталмақ. Бір аялдаманы орнату үшін бюджеттен 7 млн. теңгедей қаражат бөлінген.

Сала мамандарының тартқан ақпарына сүйенсек, екінші жылы аялдама Жигули аялдамасында орнатылмақ. Десек те, облыс орталығында жылы аялдама түгілі 150-ге жуық аялдамада жабық павильон жоқ.

Тұрғындар ауа райының қолайсыздығында автобусты күтудің өзі мұң екенін айтады.

Тұрғын үй коммуналды шаруашылығының мамандары тартқан ақпарға сүйенсек, 2020 жылы 18 жаңа аялдама павильоны орнатылған. Биыл да қала аумағында 10 жылы, 30 жаңа үлгідегі аялдаманы орнату жоспарланып отыр. Жолаушыларға көлік күтуге арналған жылы орын салу үшін 7,5 млн теңгедей қаражат керек болса, әрбір павильонның жаңа үлгісін қою үшін 1 млн. теңгедей ақша жұмсалады.