Жылдағы әңгіме. Жаздың соңғы айының соңында үкімет жылу беру маусымына дайындық мәселесін талқылады. Әдеттегідей, өңірлер түгел жүз пайыз дайын емес. Өнеркәсіп және құрылыс министрі Қанат Шарлапаевтың баяндауынша, өңірлер отынды толық қамтымаған. Яғни көмірмен қамту жұмыстары ақсап тұр. Ал алдағы жылыту маусымына 8,6 млн тонна көмір керек. Әзірге тек 1 млн тонна көмір жеткізілген.

Әкімдер жайдары жазда арқаны кеңге салып жүрген сияқты. Шарлапаевтың айтуынша, жылу беру желілері де толық дайын емес.

Ал санаулы күндерден кейін жаз бітеді. Күрең күз келеді. Бір айдан соң жылу беру маусымы басталады. Ал біздің әкімдер әлі жоспарлап отыр. Үкімет басшысы Олжас Бектенов қысқа уақытта бәріне үлгереміз деген әкімдердің әдемі сөзіне сенбейді.

Премьер-министр Қарағандыда «Qarmet» компаниясының қазандықтарында жөндеу жұмыстары толық аяқталмаған. Енді бірінде күрделі жөндеу сол күйі басталмағанын айтты. Ал бұл жағдай теміртаулықтарды жылусыз қалдыруы мүмкін. Маңғыстау облысында да жағдай мәз емес. МАЭК 1-ші жылу электр орталығындағы №4-ші турбинаны күрделі жөндеу жұмыстары әлі жүріп жатыр. Сондай-ақ комбинаттың 2-ші жылу орталығында құжаттар уақытылы дайын болмағандықтан, мердігерді анықтау мүмкін болмай отыр. Тізе берсек, мұндай проблемалар өзге де өңірлерде орын алып отыр.

Елдегі жылу беру насындары алдағы қысқа дайын ба? Үкіметтегілер өңірлердегі қазандықтардың дайындығы туралы есепті тыңдап, талқылады. Өнеркәсіп және құрылыс министрі Қанат Шарлапаевтың айтуынша, білім және денсаулық сақтау нысандары алдағы жылу беру маусымына толық дайын емес. Ал премьер-министр Әлихан Смайылов кейбір жылу көздерін жөндеу жұмыстары уақытында аяқталмай қалуы мүмкін, – деп алаңдаушылық білдірді. Толыңырақ тілші тарқатады.

Солтүстік және орталық Қазақстан өңірлері үшін сары күздің ызғары да қыстан кем емес. Одан әрі Қылышын сүйреп қыс келеді. Ал жылдағыдай өңірлер қыстың қамын жаз ойла деген қағиданы естен шығара беретін сияқты. Осы қыстың басындаңғы Екібастұздағы апаттан соң, мұз қалашыққа айнала жаздағаны әлі есімізде. Бүгін үкімет басы әкмідер мен құзырлы орган басшыларының жылу беру маусымына дайныдық есебін тыңдады. Жүз пайыз дайындық бар деп айта алмаймыз. Өкінішке орай әлеуметтік нысандар яғни білім беру мен денсаулық сақтау мекемелері жылуға дайын емес болып шықты. Су жаңа өнеркәсіп және құрылыс министрі Шарлапаевтың айтуынша, сегіз өңірде осындай жағдай орын алып отыр.

Министрдің мәліметінше, денсаулық сақтау нысандары бойынша дайындық 98,9% құрайды. Бірақ тоғыз өңірде 62 нысан бойынша дайындық жұмыстары әлі жүріп жатыр. Абай, Ақтөбе , Атырау облыстарындағы медицина нысандары толық дайын емес. Өз кезегінде Премьер-министр Әлихан Смайылов та кейбір жылу көздерін жөндеу жұмыстары уақытында аяқталмай қалуы мүмкін деп алаңдаушылық білдірді.

Үкімет басшысы облыс әкімдеріне Энергетика министрлігімен бірлесіп жөндеу жұмыстарына күнделікті мониторинг жүргізіп, алдағы маусымда қажетті жылу беруді қамтамасыз етуді талап етті. Ал Энергетика вице-министрі Жандос Нұрмағанбетов биылғы жылыту маусымында олқылық шығу тәуекелі жоғары қалаларды атады. Ақтау қаласындағы жағдай алаңдатады, нақты айтқанда МАЭК бойынша мәселе әлі де бар. Теміртаудағы №2 жылу электр орталығында жөндеу жұмыстары кешігіп жатыр. Екібастұзда жылыту маусымына дайындық аяқталып қалды. Онда биыл мәселе туындамайды деп сендірді вице-министр. Ал Риддер қаласындағы жылу орталықтарын жөндеуге қаражат кеш бөлінді. Қазір жөндеу жүріп жатыр, қыркүйек айының соңына қарай екі қазандық дайын болады деген жоспар бар деді шенеунік.