Соңғы деректер бойынша Қазақстанда жылқы саны 3 млн.нан асып жығылады. Алайда осы саланы түбегейлі зерттеп, жаңашылдық ашуға атсалысатын ғалым тапшы. Сол кем тұстың орнын толтыру, жылқылардың тұқымдық құндылығын арттыру, жылқы өсіру технологиясын дамытуға арналған курс ұйымдастырылды. Оған Жәңгір хан атындағы Батыс Қазақстан аграрлық-техникалық университеті базасындағы AGROTECH HUB жобалық кеңсесі мұрындық болды.

Курс жұмыстарына Батыс Қазақстаннан өзге Атырау, Ақтөбе облыстарынан жылқы шаруашылығын дөңгелетіп отырған кәсіп иелері қатысты. Оларға асыл тұқымды жылқыларды сақтап қалу, генетикалық зерттеу жүргізу бағытындағы жаңа тың жобалар таныстырылды. Жалпы ел бойынша жылқыны асылдандыру бағытында зерттеу жүргізіп жүрген 30-дан аса ғалым бар екен. Бүгінгі курстан кейін олардың қатары 13 ғалымға толығып отыр.

Арнайы курстың Жәңгір хан университеті базасындағы AGROTECH HUB жобалық кеңсесінде өтуі кездейсоқтық емес. Өйткені кеңсенің жұмыс бағыттарының бірі- жылқы шаруашылығы.

Бүгінгі таңда, облысымызда ұлттық спорт түрімен кәсіби тұрғыда айналасатын спортшылардың саны 450-ден асып жығылады. Өңірімізде 2002 жылы ашылған ұлттық спорт мектебі 5 бағыт бойынша жұмыстануда. Соңғы жылдары облыс тұрғындарының ұлттық спортқа деген қызығушылығының артқанын айқын аңғаруға болады. Мәселен, биылғы жылы Ақжайық өлкесінде тұңғыш рет «Қансонар-2018» бүркітшілер сайысы болып өткен еді. Бұл сайыста өнер көрсету үшін еліміздің түпкір-түпкірінен келген спортшылардың қарасы қалың болды. Үш күнге созылған сайысты тамашалауға тіпті шетелдік меймандар табан тіреп, алған әсерімен бөліскенін жаңалықтардың өткен санында айтып өткен едік.

Өңірімізде 2002 жылдан бастап ұлттық спорт мектебі ашылған болатын. Бүгінгі таңда, аталмыш спорт мектебінің қабырғасында 450-ден астам спортшы жаттығып жатыр. Спортшылардың дені 7-21 жасқа дейінгі жастар. Бес бағыт бойынша жұмыстанатын мектептің 35 жылқысы бар. Бұл спорт нысанының негізгі мақсаты -  қазақтың байырғы ұлттық спортына деген қызығушылықты арттыру.

Бұл, спорт мектебінің қабырғасында көкпар спортының алатын орны зор. Қазақтың ұлттық ат спортының бұл түрі спортшылардың күш-жігерін арттырып, төзімділігін, батылдығы мен ептілігін қалыптастырып, ат үстінде мығым отыруға бейімдейді. Сонымен қатар "Көкпар" - аттың қалай бапталып үйретілгенін, жүйріктігін де сынайтын спорттың түрі. Бұл мектептің қабырғасында, ұлттық спорт түрлерінен өзге қала тұрғындарының ат спортына деген қызығушылығын көруге болады. Жылқы жануарын жанындай жақсы көретін жандардың бірі Марина Тюрина есімді Оралдық ару. Ол бес жасынан бастап, атқа отыруды үйреніпті. Мектеп қабырғасында білім алып жатқан бойжеткен болашақта, өз өмірін жылқыға арнап, оларды бағып-қағумен айналыспақ.

Марина Тюрина
Орал қаласының тұрғыны
5 жасынан бастап, жылқыға отырып үйрендім. Бұл жануар маған қатты ұнайды. Өзім 4 бірдей музыкалық аспапта ойнауды үйренсем де, осы жылқы жануарына бүйрегім бұрып тұрды. Бірінші рет, жылқыға жазғы лагерьге қызығушылығым артты. Мектепті аяқтағаннан соң, Мәскеуде білім алғым келеді.

Өңіріміздің спортшылары облыс намысын қорғау үшін маусым айында өтетін ел чемпионаты мен Азия чемпионатына қызу дайындалып жатыр.