Биыл Батыс Қазақстан облысында "Жұмыспен қамтудың жол картасы" мемлекеттік бағдарламасы бойынша жобаларды жүзеге асыруға 11 млрд. теңге бөлінген. Бұл туралы жұмыспен қамтуды үйлестіру және әлеуметтік бағдарламалар басқармасынан хабарлады. 2 млрд. теңгеден астам қаржы ісін жаңа бастаған кәсіпкерлерді несиелендіруге бағытталады. Оның негізгі мақсаты -жаңа жұмыс орындарын құру. Өткен жылы облыс тұрғындарына 1,2 млрд. теңгенің әлеуметтік көмегі көрсетілсе, оның 29,5 мыңнан астамы аз қамтылған көп балалы отбасыларға тиесілі болған. Биыл да бұл жоба жалғасын тауып, бағдарлама аясында өңірде жолдар салынып, түрлі нысандар бой көтеріп, екі қолға бір күрек таппай жүргендер жұмысқа тартылады. Яғни жүзеге асырылуы тиіс 18 жобаға мыңнан аса адам қатысады деп жоспарланып отыр.  Биыл "Бизнес Бастау" бағдарламасы бойынша 1200-ден астам адамды оқыту жоспарланып, олардың өз істерін ашуға мүмкіндік жасалмақ. Елдімекендер тұрғындары үшін қолжетімді несие сомасы 7 млн. теңгеге дейін болса, қала тұрғындары үшін жылдық 6% - дан аспайтын сыйақы мөлшерлемесімен 19 млн. теңгеге дейін несие беріледі деп күтіліп отыр. 2020 жылы төтенше жағдай кезінде қиын жағдайда қалған отбасыларға 10 млрд. теңгеден астам қаражат төленіпті.

Орал қаласында "Жұмыспен қамту-2020" бағдарламасының аясында №33 мектептің құрылысы басталған болатын. Қазіргі таңда құрылысы нысанында жұмыс қарқынды жүзеге асып жатыр. Ет комбинаты ауданында орналасқан білім ошағында 400-тен астам оқушы білім алады. Оқушылар мен педагогтар 2016 жылдан бері қабырғасы қақырап, шатырынан су кетіп, қыста салқын болатын мектепте білім алып келді. Биыл қаңтардан бастап тозығы жеткен мектеп сүріліп, орнына жаңа нысанның құрылысы басталды. Мердігер компания жұмысты желтоқсанда аяқтаймыз деп отыр.

Қазіргі таңда Ет комбинаты ауданында орналасқан 300 орындық мектептің құрылысы жүріп жатыр. Құрылысшылар нысанның іргетасын құйып, қабырғасын қалау үстінде. Нысанда 85 адам жұмыстануда. Қызметкерлердің 23-ші жұмыспен қамту орталығы арқылы екі қолға бір күрек тапқан. Мердігер компания өкілдері жұмыс жасауға адам жетіспеушілігі мен құрылыс материалдарын жеткізу қиынға соғып отыр. Ол өз кезегінде құрылыстың қарқынына зиян тигізуде,-дейді.

Құрылыстың сапасын педагогтардан және ата-аналардан құралған комиссия да бақылап отыр.

Жалпы №33 мектепте 400-ден астам оқушы білім алады. Жаңа мектептің құрылысы басталған кезде барлық оқушылар мен ұстаздар №2 -мектепте білім алуын жалғастырған.

№33 мектептің құрылысы биыл желтоқсанда аяқталмақ. Құрылыс жұмыстары үшін қазынадан 1,7 млрд теңгедей қомақты қаражат бөлінген.