Қазіргі таңда елімізде 3000-нан астам дәрігер жетіспейді. Медицина саласындағы кадр тапшылығын келер 2-3 жылда өз шешімін таппақ. Бұл туралы өңірімізге жұмыс сапарымен келген Бердібек Сапарбаев мәлімдеді. Вице-премьермен бірге БҚО келген еліміздің бас дәрігері Ақжайық аудандық ауруханасының жұмысымен танысып, міндетті әлеуметтік медициналық сақтандыруға тоқталды. 1-ші қаңтардан бастап енгізілетін жаңалық қалай іске аспақ.

Еліміздің бас дәрігері БҚО келген сапарын Ақжайық аудандық ауруханасының жұмысымен танысудан бастады. Денсаулық сақтау министрі Атырау мен біздің өңірде іске асып жатқан "Қазмед" жүйесін сынақтан өткізіп, олқылықтарды анықтап, оларды жасақтаушы компанияға 1-желтоқсанға дейін түзетуді тапсырды. Аудандық аурухананың тұрмыс-тіршілігімен танысқан шенді аудан орталығында жұмыс жасайтын трассалық медициналық құтқару орталығының мамандарымен тілдесті. Аталмыш орталық тас жолда көлік апатынан зардап шеккен жандарға көмектесіп келеді.

Еліміздің денсаулық сақтау министрі орталық мамандарының медициналық даярлығын тексеріп, кейбір құрылғылардың жұмыс жасамай тұрғандығы мен дәрі-дәрмектің жетіспеушілігін анықтап, облыстық басқармаға мамандарды қайта оқытуға тапсырма жүктеді.

Ақ жайық өлкесіне келген министр келесі жылдың 1-қаңтарынан бастап, іске асатын міндетті әлеуметтік медициналық сақтандыру қорының жұмыс істеуіне кеңінен тоқталды. Бірнеше жылдан бері іске қосады деген жоба бірнеше мәрте кейінге шегерілген еді. Алайда, президент ұзақ уақытқа созылған медициналық сақтандыру мәселесіне нүкте қойды. Жаңашылдықтың жай-жапсарына тоқталған министр Біртанов сақтандырудың толыққанды жұмыс жасауы үшін тиісті механизмдер іске асып, жаңа жылға дейін барлық дәрігерлерді оқыту керектігін тілге тиек етті.

Дәрігерлермен жүздескен вице-премьер Атырау қаласында болған қайғылы жағдайды еске түсіріп, ақ халатты жандарға жұмысты жалғастыру керектігін атап өтті.

БҚО - ның әкімі Ғали Есқалиев жұмыс сапарымен Қазталов ауданында болып, шаруалармен жүздесті. Ата кәсіпті қолға алған жандар күрделі мәселелерін ортаға салды.

Облыс орталығынан шалғай орналасқан Қазталов ауданына жұмыс сапарымен барған өңір басшысы бірінші кезекте өз кәсібін дөңгелентіп отырған жандармен жүздесті. Ата кәсіппен айналысатын азаматтар судың жоқтығын, оны дұрыс пайдала алмай отырғандықтарын жеткізді. Шаруа қожалықтарының өкілі егер биыл қыс қатты болып, шөп жетпейтін болса, мал басын азайттатындығын айтады.

Сондай-ақ, облыс әкімі ауданға жасаған сапары барысында суландыру жүйесінің хал ақуалымен танысты.

Қазіргі таңда аудан көлеміндежазғы мезгілде балалардың бос уақытын тиімді ұйымдастыру үшін лагерьлер жұмыстануда. Солардың бірі "Ақкөл" лагері. Аталмыш орталық өз жұмысын бірінші маусымнан бастапты. 1 кезеңде 36 баланы демалтуға қауқарлы. Сала мамандары оқушыларды үш бағыт бойынша, қосымша білім беріп, біліктілігін шыңдаудамыз,- дейді.

Қазталов ауылында он екі пәтерлік тұрғын үйдің құрылысы қарқынды түрде жүзеге асып жатыр. жобаның жалпы құны 113 млн теңгеден асып жығылады. Екі қабатты үй бес айдың көлемінде аяқталмақ. бұдан өзге ауданның 9 елді-мекеніне көгілдір отын тартып, Жалпақтал ауылының 4 көшесі жөнделуде.

Облыс әкімі Алтай Көлгінов Бәйтерек ауданына қарасты Краснов ауылының тұрғындарын кездесіп, азаматтарды қабылдады. Кездесуге келген ауыл тұрғындары елді-мекен үшін маңызды сауалдарын ортаға салып, бұқараның тілегін жеткізгенді. Ауыл ақсақалы Иван Митичкин мәдениет ошағының хал -ақуалы жайлы айтып берді.

Бәйтерек ауданына жұмыс сапарымен барған облыс әкімі Краснов ауылының тұрғындарын қабылдады. Бірінші болып, әкіммен кездескен 85 жасар Иван ақсақал ауылдың тарихын тізбектеп берді. Кейін, қария ауылдағы атқарылған жұмыстарды жіпке тізіп, мәдениет ошағының хал-жағдайына тоқталды. Ауылда орналасқан алғашқы мәдениет үйінің тозығы жетіп, апатты деп танылғаннан кейін, мәдениет үйі өзге ғимаратқа қоныс аударған.

Сондай-ақ, әкім қабылдауында болған Нұргүл есімді ауыл тұрғыны көп балалы ана екендігін айтып, көп жылдан бері өзгенің босағасында жүргендігін айтып, аймақ басшысынан көмек сұрады. 4 баланың анасы мен отағасы жұмыс жасайды. Алайда, олардың табысы үй алуға жетпейтін көрінеді.

Облыс әкімі тозығы жеткен мәдениет үйін аралап көріп, күрделі жөндеу жұмыстарын жүргізу үшін барын салатындығын жеткізді.

БҚО әкімінің орынбасары Ғабидолла Оспанқұлов жұмыс сапарымен Теректі ауданында болды.Теректіге табан тіреген Ғабидолла Оспанқұлов аудандағы бірқатар мәдениет ошақтарын аралап, аудан бойынша "Болашаққа бағдар - рухани жаңғыру" бағдарламасының жүзеге асу барысымен танысты.Бұдан өзге облыс әкімінің орынбасары аудан жастарымен мәдениет, білім саласының мамандарымен кездесіп, осы саладағы бірқатар сұрақтарды талқылады.

Теректі ауданына жұмыс сапарымен келген облыс әкімінің орынбасары мектептер мен мәдениет ошақтарын аралап, олардың жұмысымен танысты.Теректі ауданы бойынша "Болашаққа бағдар: рухани жаңғыру" бағдарламасы аясында атқарылып жатырған жұмыстарға мән беріп, жастармен, мәдениет, білім саласының қызметкерлерімен танысты.

Кездесу барысында мектептердің жай күйі, білім сапасы сөз болды.Одан бөлек теректі ауданы бойынша жастар саясатын дамыту мәселесіне қатысты сұрақтар талқыланды.

Қазіргі таңда Теректі ауданы бойынша жастар арасындағы жұмыссыздық, білім алу мәселесіне қатысты сұрақтар шешіліп келеді,- дейді мамандар. Аудан бойынша халықтың 25 пайызы спортты серік еткендер қатарына жатады.