Облыстық жұқпалы ауруларға арналған аурухананың жанында бактериологиялық арнайы зертхана жұмыс жасайды. Мамандар күніне түрлі медициналық мекемелерден келген 300-ге жуық анализді қабылдап, зерттеу жұмыстарын жүргізеді. Жоғарғы санаттағы лаборант дәрігерлердің жұмысын заманауи құрылғылар жеделдетуде.

Және мамандарға қан сараптамасын жасайтын арнайы құрылғы да уақытты үнемдеуге жәрдемдеседі. Мәселен, классикалық талдауда қан сараптамасын алу үшін 5-7 күндей қажет болса, жаңа құрылғының көмегімен 3 тәулік ішінде нақты сараптаманы алуға болады. Бұл өз кезегінде науқастарға тезірек ем тағайындауға атсалысады.

12-мамыр халықаралық мейірбикелер күні. БҚО жұқпалы аурулар ауруханасында 107 орта буын қызметкері жұмыс жасаса, оның 25-і лаборант, қалғаны мейірбике қызметін атқарады. Ауруханадағы жұмыстың 70 пайызы мейірбикелердің мойнына жүктелген.

Науқастардың халін біліп, емін уақытылы жасайтын мейірбикелер сырқаттарды өз мейірімділіктерімен, жан жылуларымен жадырата білетін абзал жандар. Бұл мерекеде ақ халаттыларды "Нұр отан" партиясы мен мекеме әкімшілігі құттықтап, үздік мамандарды марапаттады. Форумда мейірбикелердің тәжірибесі мен білік дағдыларын арттырып, қызмет сапасын көтеру мәселесіне аса мән берілді.

Өткен жексенбі күні шаһарымызда төрт бірдей бүлдіршін тамақтан уланып, жұқпалы аурулар ауруханасының кереуетіне таңылды. Сырқаттанған балалар алдын ала болжам бойынша сақтау мерзімі асып кеткен шұжықпен тамақтаныпты. Дәрігерлер аурухана керуетіне таңылған жеткіншектердің жағдайы жақсы, олар оңалып келеді деп хабарлап отыр.