Дизельді отын бағасы 300 теңгеге жуықтады. Ай басында жағармайдың бұл түрі шамамен 30 теңгеге шарықтаған болатын. Жалпы, өңірде 130-дан аса жанармай құю бекеті бар. Дизельді отынның жазғы түрі - 208 теңге, ал қысқысы 269-289 теңге аралығында сатылып жатыр. Қазір мұнай базаларында шамамен 3 мың тонна дизельді отын бар. Қалада отын тапшылығы жоқ. Құзырлы органдар бағаны тұрақтандыруға қауқарсыз. Облыс әкімінің орынбасары Темірхан Меңдіғалиевтың айтуынша, еліміздегі бөлшек сауда бағасы көрші елдерге қарағанда айтарлықтай төмен. Бұл тұрғыда транзиттік көліктер дизель отынын сатып алу көлемін арттырған. Оралдағы жанар-жағармай құю бекеттері шамамен 10 күнге жететін қор бар дейді.

Қырғыз елінен шыққан жүк көліктері Оралда бірнеше күннен бері Ресейге жіберілмей отыр. Өйткені шекардан МКД-нің текеріп, рұқсат алғаннан кейін ғана өтуге мүмкіндік бар. Бұған ызалы көлік жүргізушілері жұмыстың уақытылы жүргізілмей отырғанын алға тартады. Шамамен 50-ге жуық жүк таситын көліктер құжаттарын тексерістен өткізу үшін бірнеше күннен бері Оралда аялдауда. Камаз жүргізушілері бұған дейін мұндай мәселе болмағаныны айтады. Жүк көліктері күн санап көбеюде.Салдарынан олар тұрған аумақтағы коммерциялық компани өкілдері  "қапырық ыстықта шаң тозаң одан сайын көтеріліп отыр",- дейді.
БҚО МКД мәселенің неден туындағанын түсіндіріп берді. Былтыр «Бішкек - Ресей» бағытында көп қозғалыс болса да бюджетке қаржат аз түскен. Сондықтан құжаттарды тексеру шаралары күрделеніпті. Мәселе екі -үш күнде толықтай шешіледі екен. Сонымен қатар мәселенің туындауына тағы бір себеп: жүк көліктері автокөлік өткізу бекетіне соқпай бірден тікелей тексеру орнына өтіп кеткен.Бұл да жұмысты көбейтіп отырған көрінеді.