Өңірде 27 желтоқсан күні желдің жылдамдығы секундына 17-22 метрге дейін жетеді. Күн жауын-шашынды болып, боран соғып, тұман түседі, көктайғақ болады. Өңірде соңғы күндері бұрқасын көтеріліп, әсіресе, жолға шыққандардың жағдайы қиындай түсуде. Бұл жөнінде аудан-ауылдардан вацап әлеуемттік желісі арқылы хабарлар келіп жатыр. Еске сала кетейік, бұдан бұрын БҚО-да ауа райына байланысты ескерту жарияланғанына қарамастан жолға шығып кеткен бірнеше көлік жолдан шығып кетіп құтқарылған болатын.
Мәселен 24 желтоқсаннан күні бүгінге дейін жолда қалған 7 техника мен 13 адам төтеншеліктер көмегімен құтарылыпты. Айта кететін тағы бір мәселе ешқандай сауда орындарында арнайы рұқсаты бар пиротехникалық бұйымдар сатылмайды.
Осы орайда мамандар кеңесіне құлақ түрелік. Артық қылам деп тыртық қылып жүрмейік.

Орал қаласындағы қоғамдық көлік қатынайтын басты жолдың бірі орналасқан Құрманғазы көшесінің бір бөлігі бір айға жабылып отыр. Соған орай, Школьник, Лев Толстой аялдамаларына тоқтайтын маршруттардың жүру сұлбасына өзгеріс енгізілді. Биыл қалада 50-ден астам көше жолын жөндеу жоспарланса, қазіргі күні 35 жолдағы жұмыс аяқталған. Ал 20 шақты әлеуметтік нысанға кірме жолдардың 15-і қолданысқа тапсырылған. Қала тұрғындары ауқымды деңгейде атқарылған жұмыстар нәтижесі оңды болып, мердігерлер қызана қаржысы мен халықтың үмітін ақтау үшін өз істеріне жауапкершілікпен қарап, сапа талаптарын ескереді деген зор сенімдерін білдірді. Жоспарлы жол жөндеу жұмысына байланысты туындаған қолайсыздық үшін сала мамандары кешірім өтініп, жүргізушілерді сабырлы болуға шақырады.

Орал қаласында көктайғаққа байланысты ауруханаға жарақатпен түскендер саны күрт артып отыр. Бұл жөнінде БҚО клиникалық ауруханасы хабарлады. Өңірде ауа райының қолайсыздығына байланысты дабылды ескерту жарияланған болатын. Көлікпен жүру қаупі артқан соң бірнеше тас жол жабылып, қала ішіндегі қозғалыс та қиындап кетті. Қауіп-қатердің бетін қайтару үшін қазір бірнеше сала қызметкерлері іске білек сыбана кірісіп отыр.

Көктемгі күннің шуағы жердегі қардың бауырын жібітсе, түнгі аязбен дымқыл мұзға айналып, оған жауған қар үстеп, салдарынан көктайғақтың әсері артып отыр. Бұл күндері жолға шығарда сақ болған жөн дейді тәртіп сақшылары. Себебі қауіпсіздік үшін бірнеше тас жол жабылып, қозғалыс шектелген болатын.

БҚО клиникалық ауруханасының жарақатпен қабылдау бөлімінде ұзақ-сонар кезек. Егде жастағылардың көбі көше бойында байқаусызда көктайғақта тайып жығылып қол-аяғын майып қылып алған немесе түрлі жарақат алғандар саны күрт артқан. Кезектен көз ашпайтын кабинеттердің бірі- рентген түсіретін орын. Бүгін осында тек түске дейін 50 адам қабылданыпты.

Мамандар әр адам жеке басының қауіпсіздігін қамтамасыз етіп, жан-жағына қарайлап жүруін, ал денесін зақымдап алса, дер кезінде дәрігерге көріну қажетін ескертеді. Алдағы мерекелік күндерге қарамастан ақ халаттылар кезекшілік бойынша жұмыс жасап, өз қызметтеріне мұқтаж жандарға көмек көрсетуге дайын екендіктерін мәлімдеді.