Оралда Басқақ тоғайлың тағдыры әлі шешілген жоқ. Қала билігі оның аумағында саябақ, одан кейін айналма жол салуды көздеген еді. Бірақ 22 желтоқсанға жоспарланған қоғамдық тыңдау шарасы өтпей қалды. Облыс орталығының әкімдігі жобаға өзгеріс енгізілетінін айтты.Айта кетейік, Басқақ тоғайдың аумағын дамыту жоспары оралдықтарға былтыр таныстырылған еді. Осы жоспарға сай, орман ішінен тұрғындарға арналып саябақ пен жол салынып, тіпті тұрғын үйлердің де құрылысы басталуы тиіс еді. Бірақ мұны іске асыру үшін Басқақ тоғай мемлекеттік орман қорынан шығарылып, қала әкімдігіне берілуі керек.Табиғат жанашырлары орман түгілі қаладағы орталық саябақтың инвентаризациялық құжаты жоқ екенін айтады. Сондықтан Қоршаған ортаны қорғау туралы заңға өзгерістер енгізілмей орман алқабына қол ұшын тигізуге болмайды, әйтпесе жасыл зона кәсіпкерлердің қарауына өтіп, қоршаған ортаға орасан зор зиян келеді деген пікірде. Орман оталса, мұндағы сирек кездесетін аң-құстар ғана емес, өсімдіктер де мүлдем жойылып кетуі мүмкін екен.

Жаңақала ауданына іс-сапармен барған облыс әкімі аудан мен Бөкей Орданы жалғайтын тас жолдың құрылысымен танысты. Жол салу жұмыстары биыл басталған-ды. Жаңақала мен Жаңақазан ауылдарын байланыстыратын тас жолдың құрылысы алдағы 3 жылда аяқталуы тиіс.

Бұл -Чапай-Жаңақала-Сайхын жолының жобасы. Үш ауданды жалғайтын жолдың құрылысы басталды. 61 шақырымды құрайтын Жаңақала-Жаңақазан тас жолының биыл мердігер компания 2 км-ын асфальттап аяқтауы тиіс.

3 жылға арналған жобаның құны 750 млн теңгені құрайды. Қос ауданды жалғайтын тас жолдан бөлек Жаңақала ауылының Батыс жақ бөлігінде жол салынуда. Жоба құны 672 млн. теңгені құрайды. Жол салушы мекеме қыркүйекте битумның тапшылығынан біраз қиналғанын облыс әкіміне жеткізді. Енді мердігер жоспарды аяқталуы үшін құрылыс материалын қымбатқа сатып алып, жұмысты жалғастыруда.

Жол құрылысы биыл шілдеде басталды. Жыл соңына дейін аяқтау көзделіп отыр. Құрылыс нысанында 40 шақты азамат еңбек еткен.

Биыл Орал қаласында 55 көшенің жолы жөнделмек. 61 шақырымдық тас жолды мердігер компаниялар 2020 жылдың аяғына дейін аяқтауы тиіс. Бірақ тамыз болса да, тендерді ұтып алып, жұмысына кіріспеген компаниялар да бар

Биыл Орал қаласының 55 көшесіне тас жол салынбақ. Қазіргі таңда тек 3 көшенің жолы аяқталып, 6 нысанда жұмыс жалғасып жатыр. Ал 8 көшенің жолы тамыз болса да әлі басталмапты. Осы көшелердің жолын жөндеймін деп тендерге қатысып, ұтып алған компаниялар "Жұмыспен қамту жол картасы" аясында бірнеше жобаға жауапты ретінде жұмысты атқаруы керек.

Қала көшелерінің тас жолдарына тақтайдай асфальт төсеу жұмыстарының аяқ алысы туралы барлық жай-жапсарды шаһар басшысы Абат Шыныбеков баяндады. Мониторинг топ мүлдем жұмысы басталмаған көшелердің ішінде Ет комбинаты ауданында орналасқан Шыңғырлау көшесіне тоқталған болатын. Қала әкімі осы көшенің жолындағы жобаның авторымен жобалық сметалық жұмыстарға түзетулер жасалып жатыр. Кейін мердігер компания көшенің жолын толықтай асфальтайды-, дейді.

Оралдықтар үшін маңызды тақырыпты қорытындылаған облыс әкімі барлық басқарма басшылары мен техникалық бақылау қызметкерлеріне салынып жатқан жолдың сапасын бақылауда ұстауды тапсырды.

Сурет ғаламтордан жүктелді.

БҚО "Ақжайық" шипажайына жол салынады.Тұрғындарға қолайсыздық тудырып келген мәселеге осылайша нүкте қойылмақшы.Ол үшін облыс бюджетінен 253 мил теңге бөлініпті. "Ақжайық" шипажайында бұдан басқа да жаңалықтар бар.Арна тілшісі шипажай тіршілігмен танысып келді.«Ақжайық» шипажайына баратын 7 шақырым жолды жөндеу үшін 253 мил теңге қаржы бөлінген.Қазір мердігер компания анықталып, жол салу жұмыстарын бастап та кеткен.Жол жөндеу жұмыстары үш айда аяқталады деп жоспарланып отыр.Жалпы Теректі ауданы бойынша жолдардың тек 5 пайызы ғана жақсы күйде деп бағаланып отыр.«Ақжайық» шипажайында 180 адамға ем алып, демалуға мүмкіндік қарастырылған.Ол жерде қазір сумен емдеу кешенінің құрылысына бастау берілді. Табиғи минералды сулармен емдеу кешенінің құрылысы көптің көңілінен шығады деп жоспарланып отыр.Жалпы Қазақстан бойынша «Ақжайық» шипажайы сұранысқа ие шипажайлардың бірі. Бұл жерде табиғи сулармен емдеу жүйесі іске қосылады деп күтіліп отыр. Дәл қазіргі кезде «Ақжайық» шипажайына Атырау, Ақтау қалаларынан келіп емделетіндер саны көп.

Бүгінгі таңда 650-ден астам Теректілік тұрғын баспана кезегінде тұр. Азаматтар үшін ең өзекті саналатын мәселе аталмыш ауданда біртіндеп шешіліп келе жатқан секілді. Биылғы жылы Фёдоровка ауылында 3 қабатты 36 пәтерлік тұрғын үйдің құрылысы басталыпты. Маусым айында іргетасы қаланып жатқан баспана құжат бойынша келер жылы аяқталуы тиіс. Облыс әкімі Теректі ауданына жасаған жұмыс сапары барысында мемлекеттік бағдарламалардың аяқ алысымен танысты.

Теректі ауданында мемлекеттік бағдарламаның аясында 3 қабатты 36 пәтерлік тұрғын үйдің құрылысы басталды. Жоба бойынша аталмыш баспана пәтер кезегінде тұрған азаматтарға табысталмақ. Бүгінгі таңда, ауданда 652 азамат баспанаға мұқтаж. Тұрғын үйді жоспар бойынша келер жылы табысталу керек болса да, мердігерлер құрылысты биылғы жылдың соңына дейін бітіреміз деп отыр.

Ал, бұл аудан орталығында өткен жылдың қыркүйегінде құрылысы басталған он алты жер үйдің бүгінгі келбеті. Бұл баспаналардың баршасы "Нұрлы жер" бағдарламасының арқасында бой түзеген. Аудан әкімшілігі баспаналардың баршасы пәтер кезегінде тұрған азаматтарға табысталатын болады,- дейді.

Облыс әкімі Теректі ауданына жасаған жұмыс сапары барысында тұрғындармен кездесті. Ауыл ақсақалдары аудан көлемінде атқарылып жатқан жұмыстарға оң баға берді. Тұрғындармен кездесу барысында өңір басшысы құрылысы аяқталған баспаналарды абаттандыру ісін қолға алуды және жасыл-желекті күтіп ұстауды тапсырды.

Өңіріміздегі ең өзекті мәселелердің бірі - тас жолдың сапасы болып тұр. Қазіргі таңда, Теректі ауданында Посдстепный - Федёровка - Ресей федерациясының шекарасынан Алғабас станциясына дейінгі тас жол жөнделіп жатыр. Жол 4-ші санатты болмақ. Оның ұзындығы 19, 363 шақырымды құрайды. Алғабас станциясына дейінгі тас жолдың күрделі жөндеу жұмыстары өткен жылдың желтоқсан айында басталып, келер 2019 жылы пайдалануға берілмек. Жобаның жалпы құны 2, 597 млрд теңге.

Ал, бұл аудан көлемінде өсімдік және мал шаруашылығын 2004 жылдан бері қолға алған - "Махорин" шаруашылығы. Былтырғы жылы аталмыш шаруашылық 800 гектар жерге егіс салып, 549 тонна болатындай өнім алған. Бүгінгі таңда, бұл шаруа қожалығында жетпіс адам жұмыс жасап жатыр. Сондай-ақ, бұл шаруашылық асыл тұқымды мал өсіру ісін қолға алған. Бүгін де қожалықтың мал қабылдайтын ветеренарлық пункт пен мал өсіретін арнайы орын жабдықталған. Теректі ауданында ауыл шаруашылығын қолға алған кәсіпкер субсидия мәселесін көтерді. Былтырғы жылы малға арналған өнім аз шығып, соның салдарынан биылғы қыста біраз қиындық туындады,- дейді.

Биылғы жылы Теректі ауданына қарасты 7 ауылға газ барады. Сондай-ақ, Сарыөмір ауылында 48 орындық балаларға арналған сауықтыру орталығы да жақын уақытта пайдалануға берілмек. Жобаның жалпы құны 101 млн теңгені құрайды.