жол оқиғасы – TDK-42

Жүк көлігі аударылып қалды

Эльмира Рахмешева — Mon, 18 Jun 2018 12:53:27 +0000

0:00 / 0:00

Оқиға "Орал-Ақсай" тас жолының бойында Пойма ауылының қасында тіркеліп отыр. 18-маусым күні түнгі уақытта өндірістік материал тиеген көлік Ақсайға бара жатып темір жол рельсінен жоғары жылдамдықпен өтемін деп аударылып қалған. Абырой болғанда зардап шегушілер жоқ. Қазір оқиға орнында жол сақшылары қауіпсіздікті қамтамасыз етуде.

Жүк көлігі сонау Италиядан Ақсайға бет алған екен. Төтенше апаттың орын алуына жолда темір жол өткелі барын және жылдамдықты тежеу керегін ескерту белгісінің болмауы әсер етті,-дейді жүргізуші. Жүк көлігі құбырлар тасумен айналысқан. Әзірге оқиға орнында жүргізуші өндіріс компаниясы өкілдерін күтіп отыр.

-"Жол бойында темір жол өткелі барын ескерту белгісі 150-300 метр бұрын тұруы тиіс. Ал мына жерде 10 метр қалғанда ғана тұр. Мен жылдамдықты азайтып үлгірмей қалдым. Тежегішті басқанда қатты соққы болып, жолдың жиегіне ұшып түстім",-дейді жүк көлігінің жүргізушісі Александр.

Жол көлік оқиғасы Теректі ауданы Пойма ауылы тұсында түнгі уақытта тіркелген. Жол бойында басқа көлік кездеспегендіктен өзге зардап шегушілер жоқ. Ал көлікке келтіріген шығын ауқымды.

Орал қаласында жолаушы көлігі жаяу адамды қағып кетті

Эльмира Рахмешева — Wed, 13 Jun 2018 13:27:21 +0000

БҚО денсаулық сақтау басқармасының баспасөз хатшысының хабарлауынша, оқиға орнынан бас миының жабық жарақатын алған және миы шайқалған 3 адам ауруханаға жеткізілген. Ал №5 жолаушы көлігінің жүргізушісі жаяу жүргінші жолды рұқсат етілмеген тұстан кесіп өтпекші болды деп мәлімдеп отыр. Оқиға таңғы сағат 9-дар шамасында Достық даңғылы мен Фрунзе көшесінің қиылысында тіркелген. Аталмыш факті бойынша тергеу жүріп жатыр.

Жантүршігерлік жол апатынан аман қалған 2 азаматқа ота жасалды

Эльмира Рахмешева — Wed, 06 Jun 2018 13:11:23 +0000

Қазіргі күні олар ауруханада ем қабылдауда. 3-маусым күні Орал қаласының Жәңгір хан көшесінің бойындағы "Нефтэк" жанармай бекеті маңында жантүршігерлік жол апаты орын алған болатын. Оқиға орнында 1 адам мерт болып, 2 адам ауыр жарақатпен жедел жәрдем көмегіне жүгінген еді. Дәрігерлер бағанаға түйісіп, сау-тамтығы қалмаған көліктен ұшып кеткен азаматтардың қазіргі күні жағдайларын қалыпты деп бағалап отыр.

Шаһарымызда тағы бір жол көлік оқиғасы тіркеліп, адам өмірі қиылды

Эльмира Рахмешева — Mon, 04 Jun 2018 12:33:22 +0000

Зашаған кентінде бүгін таң ала көлеңкеде велосипедшіні көлік қағып кеткен. Зардап шегушінің жарақаты өте ауыр болғандықтан, өмірін сақтап қалу мүмкін болмапты. Бұл жөнінде денсаулық сақтау басқармасы хабарлап, тұрғындарға жол қауіпсіздігі ережесін қатаң сақтауды ескертіп отыр. Марқұм 35 жастағы ер адам. Қазір оқиғаның жәй-жапсары, кінәлі тұлғалар анықталып жатыр.