Облыс орталығында орналасқан Солтүстік-Шығыс ауданының халқы 17 жылдан бері тақтайдай жол салып беруді сұрап келеді. 70 шақты үйдің тұрғындары көктем мен күзде балшықтан зардап шегіп отыр. Жолдың жоқтығынан 3 бірдей көшеге жедел жәрдем көлігі жете алмайды, автобустар қатынамайды. Соның кесірінен тұрғындар автобус аялдамасына жету үшін 15-20 минут жаяу жүруге мәжбүр.

Орал қаласының Солтүстік-Шығыс ауданына қарасты 9-шы ПДП-ның тұрғындары 2003 жылдан бері атқарушы биліктен жол сұрап келеді. Көшіп келгенімізге 17 жылдың жүзі болды, бірақ мәселеміздің шешілер түрі жоқ,- дейді. 3 көшеде 70 шақты үй бар. Тұрғындар балаларымызды көктем мен күзде мектепке жетектеп алып барамыз. Бастауыш сынып оқушылары балшыққа құлап, киімін бүлдіріп, сабаққа жете алмай қалатын күндеріміз де болды деп қиындықтарды еске түсіреді.

"Нұрлы жер" бағдарламасы арқылы 9-ПДП.-ның бір көшесінің жолы салынбақ. Солтүстік -Шығыс ауданы мен Новинкийді жалғайтын тас жолдың салынуы үшін 1,2 млрд теңгедей қаражат республикалық бюджеттен бөлінген. Мамандар Самал көшесінің жолы тамызда аяқталады,- дейді.

9-ПДП.-ның тұрғындарын жолдан бөлек кешкілік уақытта электр жарығы қуатының төмендеуі да мазалайды. Қараңғы түсе жарық сығырайып, балаларымыз сабақ оқи алмайды деп қынжылады. Бұдан бөлек тұрмыстық техниканың бірнешеуі жанып кетіп, тұрғындар зардабын тартуда. Осы мәселе бойынша мамандардың жауабы мынандай.

70 шақты үйдің тұрғындары 9-ПДП-ның аумағында бірде-бір күл қоқыс қоятын жәшіктің жоқтығын да тілек тиек етті. Қоқыстың ақысын уақытылы төлеп отырсақ та, алыстағы жәшікке тастауға мәжбүрміз,- дейді. Олар автобустың қатынамайтынына наразы. Бұған баяғы жолдың жоқтығы себеп. Биыл бір көшенің жолы салынса, қоқыс жәшігі орнатылып, қоғамдық көліктің қатынасы реттелмек. Мамандар Жазира мен Жауынгер интернационалист көшесіне жол салу мәселесі келесі жылы шешіледі деп жоспарланып отыр,- дейді.

Батыс Қазақстан облысы жолдарының небары 28 пайызы жақсы және қанағаттанарлық деңгейде. Бұл туралы жолаушылар көлігі және автомобиль жолдары басқармасының мамандары мәлімдеп отыр. Аталмыш көрсеткішті жақсарту мақсатында биыл қазынадан 27,3 млрд теңгедей қаражат бөлініп, 364 шақырым тас жолды жөндеу жоспарланыпты. Қазіргі таңда оның 357,7 жөндеу көрген.

Жол мәселесі -батысқазақстандықтар үшін өзектілігін жоғалтпаған күрделі мәселе. БҚО бойынша жолдардың 28 пайызы ғана жақсы және қанағаттанарлық деген баға алыпты. Сала мамандары аталмыш көрсеткішті жақсарту үшін биыл 364 шақырым тас жолға тақтайдай асфальт салуды көздеген болатын. Бүгінгі таңда жоспарланған нысанның 357 шақырымына жол салынған.

Әсіресе көктем мен күзде ауылдан облыс орталығына қатынай алмай, көліктері батпақтан тұралап қалатын аудандардың да бары жасырын емес. Осы мәселені Ақ жайыққа сапарлап келген елбасы да көтеріп, шалғай жатқан Бөкей Ордасы, Жәнібек пен Қазталовтың тұрғындарына сүйінші хабарды жеткізгені есімізде. Президенттің тапсырмасы 2021 жылы толықтай аяқталып, үш ауданға жоқ бармақ.

Келешекте облыстық жолаушылар көлігі және автомобиль жолдары басқармасының мамандары Ақжайық ауданына қарасты Чапай ауылыны маңында Жайық өзені арқылы өтетін автомобиль көпірін салуды жоспарлап отыр. Аталмыш көпірдің құрылысы үшін 36 млрд теңгедеден астам қыруар қаржы керек. Қымбат жоба алыс -жақын шетелге апартын тас жолды қысқарып, жаңадан жұмыс орынының ашылуы мен инфрақұрылымның жаңаруына мүмкіндік ашпақ.

Елбасы тапсырмасы бойынша биыл қолға алынған өңірдің оңтүстігіндегі Қазталов, Жәнібек және Бөкей ордасы аудандарын облыс орталығымен байланыстыратын автокөлік жолдарының күрделі жөндеу жұмыстары 3 учаске бойынша атқарылуда. Аталған жұмыстар алдағы жылы да жалғасатын болғандықтан бүгінде жол бойларына вахталық қалашықтар бой көтеріп, құрылысқа қажетті метариалдар тасымалдануда. Негізінен күрделі жөнделетін жолдардың жалпы ұзындығы - 245 шақырым. Мәселен Қазталов-Жәнібек- Бөкейорда автожолының құрылысы  үш жылда толықтай  аяқталуы тиіс. Жөнделуге тиісті жолдың жалпы ұзындығы 50 шақырым. жұмыстың баяу жүргізіліп жатқанын сала мамандары жасырмайды. Оның өзіндік себебі бар. Ол жол құрылысына қажетті шикізаттардың өзге аймақтардан тасымалданатыны. Қазір Ақтөбе қаласынан қиыршықтас әкелу жөнінде келісімшарт жасалып, теміржолмен тасымалдау сұрақтары шешілуде. Ал облыс бойынша биыл 150 шақырым жол жөнделу жоспарланған. Айта кету керек жол мәселесі облыста өзекті күйінде қалып отыр.