Биыл Орал қаласында 40 жылдамдық өлшегі камера қойылады. Одан бөлек 14 интеллектуалды камера, 200 бейнебақылау құрылғысы қойылады. Бұл үшін жергілікті бюджеттен 870 млн теңгедей қаражат бөлініп отыр. Облыс орталығында жол көлік оқиғаларын азайту мақсатында 300 көшені жарықтандырмақ.

Орал қаласы жол апаты санынан ірі қалалардан қалыспай тұр.Өкінішке орай,  Оралда жол апатыннан екі күнің бірінде адам өлуі қалыпты жағдайға айналып кетті. Осындай қайғылы оқиғалардың санын азайту үшін Орал қаласында бірқатар жұмыстар қолға алынған. Мәселен, облыс орталығында бейнебақылау құрылғылары қойылмақ. Қалада 14 интеллектуалды камера, 40 жылдамдық өлшегіш құрылғы мен 200 бейнебақылау құрылғысы орнатылмақ. Бұл үшін 870 млн теңге ақша бөлініп отыр. Сондай-ақ, бейнебақылау құрылғысынан бөлек қаланың жарықтандыруына көп көңіл бөлінбек. Мәселен, облыс орталығында 378 жаяу жүргішілерге арналған жолақ бар. Өткен жылы олардың 108 жарықтандырылмаған еді. Биыл 58 орын жабдықталып, 50-і жарықтандырылады деп жоспарланып отыр.

Сондай-ақ, қаладағы 15000 жарық диотты шамдар алмастырылмақ. Жалпы 300 көшені жарықпен қамту көзделіп отыр. Бұл үшін 2,4 млрд теңге бөлінген.

Тас жолдардың уақытылы қардан тазартылмауы жол көлік оқиғаларының тіркелуіне алып келеді. Биылғы жылдан бастап қаланың көшелері қалай қардан тазаланып жатқандығын тексеріп, бақылайтын арнайы мониторинг жүйесі іске қосылды. Бұл өз кезегінде көшелердің қалай, кімдер жинап, қанша машина ақ ұлпаны жиыстырып жатқандығын, олардың қай уақытта арнайы полигонға барғаны туралы ақпаратты онлайн түрде көрсетіп отырады. Тексерісті қолға алған компания бұл бюджетті үнемдеуге сеп болатынын айтады.

Кез - келген мектеп оқушысы үшін полиция қызметкерлерінің жұмысы қызық болып көрінері сөзсіз. Әсіресе сымдай керілген киіммен сап түзеп жүретін полиция қызметкеріне балалардың қызығып қарайтыны бар.Осыны ескерген полиция өкілдері балалармен кездесіп, еркін сұхбат құруды жөн көрген. Орал қалалық жол-патрульдік полиция қызметкерлері №7 мектепте болып бастауыш сынып оқушыларына патрульдік көлікті таныстырды. Шара барысында балалар полиция қызметкерлерімен тікелей қарым-қатынас жасап,патруль автокөлігіне отырып,ондағы құрылғылардың жұмысымен  танысты.

Аталған акция біздің облысымызда бірінші рет өткізілуде. Алдағы уақытта осындай акциялар Орал қаласының, сонымен қатар аудандық, селолық мектептерде өткізілетін болады. Шара барысында полиция қызметкерлері жолдағы қауіпсіздік ережесінің сақталуы туралы айтып берді.

Шара соңында балаларға Алтын әріпті ережелер атты жолда жүру қағидалары жазылған бланкалар таратылды.Осылайша әр балаға жолдағы қауіпсіздік сабақтары үйретіле бермек.

Слетке облыс бойынша 10 мектептен шыққан команда қатысқан болатын. Өз білім ордаларында үздік деп танылғандар жол ережесіне қатысты білік-дағдыларын көрсетіп, өнерлерін ортаға салды. Ал жеңімпаздар Қызылорда облысында өтетін республикалық слетке жолданатын болады.

Оқушылар арасындағы слет дәстүрлі түрде өткізіліп келеді. Шараның басты мақсаты - балалардың қатысымен болатын жол-көлік апаттарының алдын алу, қауіпсіздікті қамтамасыз ету. Әр команда 10 оқушыдан құралған. Балалар өз білік-дағдыларын ән, бимен өрнектеп, ерекше әдіспен жеткізе білді.

Бұл облыстық деңгейдегі шараға қаланың екі мектебі мен аудандардан келген білім ордаларының шәкірттері қатысып отыр. Олар өз қатарластары сапында үздік деп танылғандар. Слет білім басқармасы мен ішкі істер органының бірлесе ұйымдастыруымен өткізілді.