Жыл сайын 2000 қазақстандық жол көлік апатынан жан тапсырып, 19 мың адам түрлі дене жарақатын алады. Бұл туралы ішкі істер министрлігі мәлімдеді. Ведомство өкілі Олжас Бектеновтың алдында есеп берді. Үкімет басшысы бас полицейге жолдардың барлығында тәртіп орнатуды тапсырды.

Елде жол апаты көбейді. Бұған көліктердің саны артуы, жол сапасы мен тәртіпті ұмытқан жүргізушілер себеп. Көлік апатының артуы жол сапасына тікелей байланысты. Ел аумағында республикалық маңызы бар тас жолдың тек 3 пайызы ғана қауіпсіздік талаптарына сай. Бұл 95 мың шақырымды құрайды.

Ведомство өкілдері қала маңындағы жолдардың сапасы сын көтермейді,- дейді. Биыл 24 мың астам әкімдік пен көлік министрлігіне ұйғарым берген. Жолдарды күтіп ұстайтын 3,5 мың тұлға жауапкершілікке тартылыпты. Бектенов жол жүру қауіпсіздігі темір тұлпарлардың жағдайына тікелей байланысты,- дейді. Елде жыл сайын көліктердің саны артып келеді. Десек те, техниканың жағдайын сапасыз тексереді.

Министр Ержан Саденов 4 жолақ немесе одан да көп 6 мың шақырым жол салу керек,- дейді. Жол көлік апатының тағы себебі- жүргізушілердің жүгенсіздігі. Жиында көлік жүргізіп үйрететін мектептер сынның астында қалды.

Такси қызметінің жүргізушілері демалмай, күндіз-түні рөлге отыруы да жол апатын көбейтіп отыр. Олар не техникалық, не медициналық тексерістен өтпейді. Осы жайттардың салдарынан жол-көлік апаты артуда,- дейді министр Саденов.

СУРЕТ https://sozmedia.kz/ САЙТЫНАН ЖҮКТЕЛДІ

Жол көлік оқиғасы салдарынан адам өлімі тіркелген екі жағдай орын алды. Оның бірі 8-тамыз күні түнгі сағат 2:20 шамасында Ақсу ауылында болған. «Ауди 80» автокөлігін тізгіндеген 1993 жылғы азамат рөлге ие бола алмай, жол жиегіне шығып кетіп, аударылып қалған. Апат салдарынан 1997 жылғы жолаушы оқиға орнында қаза тапты. Ал көлік жүргізушісі аудандық ауруханаға жеткізілген. Екінші жағдай тамыз айының 9-шы жұлдызында таңғы сағат 07:10 шамасында Бөрлі ауылына кіреберіс тұста болған. «Ауди» және «Тайота ланд крузер» автокөліктері соқтығысып, бір жүргізуші оқиға орнында көз жұмған.

Екі қоғамдық көліктің қатысуымен жол апаты орын алды. Оқиға 30 шілде күні сағат 11:00 шамасында Орал қаласының Дәулеткерей және Мұхит көшелерінің қиылысында болған. Дәулеткерей көшесімен келе жатырған нөмірі 39-шы қоғамдық көлік Мұхит көшесі бойындағы жолдағы нөмірі 30Д қоғамдық көлігіне жол бермей, соқтығысқан. Соққы салдарынан бір автобус жанға құлап, тоқтап тұрған “Тайота камри” автокөлігін басып қалған. Белгілі болғандай апаттан зардап шеккен 14 адам қалалық ауруханаға жеткізілген. Атап айтқанда, 1990 жылғы әйел адам бас пен мидың жарақатын алып, нейрохирургия бөліміне жатқызылған. 1971 жылғы әйел адамның үш қабырғасы сынып, дәрігерлер оны отаға дайындап жатыр. 1976 жылғы бұғанасы сынған әйел адамды политравма бөліміне жатуға көндірген. 1962 жылғы ер адамның екі қабырғасы сынған. Алайда ол ауруханаға жатудан бас тартыпты. Қалған жолаушылар аяқ-қолдары мен мен өзге де дене мүшелерінің жұмсақ тіндерін соғып алған. Амбулаторлық ем алуға жолданыпты.

«5 адамның өмірін қиған жүргізушіге тек 5 жыл бас бостандығынан айыру жазасын бергендігімен келіспейміз». Дәл осындай наразылықпен қала тұрғындары арнамызға хабарласты. Оқиға ағымдағы жылдың 1 қаңтарында орын алып, кінәлі деп танылған жүргізушіге соттың үкімімен бес жылға жалпы режимдегі колонияда жазасын өтеу шешімі шығарылған.

Жан түршігерлік оқиға осы жылдың алғашқы күні сағат 18:10 шамасында Самара-Шымкент тас жолының 313-ші шақырымында болған. «Toyota Land Cruiser» автокөлігін тізгіндеген жүргізуші қарсы жолаққа шығып кетіп, алдында келе жатырған көлікті байқап, рульге ие бола алмай жүк көлігі тіркемесімен соқтығысқан. Содан кейін ол ВАЗ 2112 көлігімен бетпе-бет түйіскен. Жол апаты 5 адамның өмірін қиды. Олардың қатырында аяғы ауыр келіншек бар. Болған оқиғаны екінші көлікте келе жатып өз көзімен көрген Индира Меңдіғалиева әп-сәтте күйеуінен, апа-жездесінен және бауырларынан қалай айырылып қалғандығын көзіне жас ала отырып, есіне түсірді. Теректі аудандық соты төрт айға жуық уақытқа созылған тергеуден соң болған іске айыпты жүргізушіге қатысты 5 жыл бас бостандығынан айыру және моральдық шығын ретінде әр отбасыға 3 млн тенге төлеу туралы шешім шығарған. Алайда 9 баласы жетім қалған бірнеше отбасы бұл шешіммен келіспейді. Олар қылмыскерге кемі 10 жыл берулерін сұрап, аппеляциялық шағым түсірген. Алайда еш нәтиже болмай, үкім өзгеріссіз қалдырылған. Сондай-ақ кінәлі тарап жақтан ешқандай көмек болмағандарын де тілге тиек етті. Жәбірленуші тарап бұнымен тоқтап қалмаймыз дейді. Енді олар Жоғарғы сотқа шағымданбақ ниетте.

Бұған қоғам белсенділері қарсылық білдіруде.Тәртіп сақшыларының айтуынша, «Мерседес» көлігінің жүргізушінің жол апаты болған сәтте қандай жылдамдықпен қозғалғаны әлі беймәлім болып отыр. Бұл бағыттағы сараптамалар Нұр-Сұлтан қаласында жасалатындықтан қас қағым сәтте екі адамды өлтірген күдікті босандықта жүр. Бұл мәселе жалпы қоғам наразалығын тудырып отыр. «Nur Otan» партиясының атынан Оралдықтардың шағымдарын жеткізген Әлия Сәлиева мен Нұргүл Ашиқова тергеу амалдарының барасына халық қанық болуы тиіс деген пікірде. Мерседес көлігінің заңды иесі Дамир Әубәкіров есімді қала тұрғыны. Ал оны басқарған 22 жасар жүргізушінің аты-жөні мен өзге ақпараттар туралы тәртіп сақшылары жақ ашпады. Айтуларынша, тиісті сараптама қортындысы белгілі болғанша ақпарат құпия сақталады. Деседе жол көлік оқиғасына жауапты тұлға заң аясында жазасын алатын болады деп сендірді полицейлер. Сонымен қатар депутаттар осы секілді қоғамға қауіпті тұрғындардың аты-жөнін БАҚ үнемі жариялап, тұрғындарды сақ болуға шақыру керек дейді.

БҚО-да үй жануарларының қатысуымен тіркелген жол көлік оқиғалары жиілеген. Осы орайда жол қауіпсіздік шараларын дұрыс ұйымдастырмаған Ақжайық ауданының әкімі Қалияр Айтмұхамбетовке және осы салаға қатысты бірқатар басқарма басшыларының да жұмысына сын-пікірлер айтылды.Жыл басынан бері аймақта 99 жол көлік оқиғасы тіркеліп, салдарынан 42 адам қаза тапса, 157 тұлға түрлі дене жарақатын алған. Әсіресе жол бойындағы апаттар Ақжайық ауданы мен Оралды жалғайтын тасжолда болады. Өңір басшысы Ғали Есқалиев бұған дейін аудан әкіміне қауіп-қатердің алдын-алу бағытында бірқатар тапсырмалар берген болатын. Оның ішінде мал санағын уақытылы жүргізу жәйі тапсырылған еді. Ең өкініштісі-аудандағы жылқылардың иелеріне қатысты ешқандай ақпарат жоқ. Өйткені Қамбар ата түлегі түн уағында қараусыз жүретіндіктен көп жағдайда апаттар жол бойына жылқылардың кенеттен шауып шығуынан орын алуда. БҚО ПД бастығының бірінші орынбасары Жанболат Жаншинің берген мәліметіне сүйенсек, ағымдағы жылдың 16 мамырында түнгі сағат 11-дің шамасында "Орал - Атырау" автожолының 75-ші шақырымында Лада маркалы көлік жүргізушісі екі жылқымен соқтығысып, оқиға орнында үш адам қаза тапқан. Оның біреуі кәмелетке толмаған 2008 жылғы жасөспірім. Ал «Электронды бақташы» жобасымен облыста не бары 30 шаруа қожалығы жұмыстануда. Бұл бағыттағы шаралар осы Ақжайық ауданында жақсы жолға қойылыпты. Қызметіне салғырт қараған аудандық ветеринария бөлімінің басшысы алдағы уақытта «лауазымында қала ма, жоқ па» ол жағы тәртіптік кеңесте қаралатын болады. Бұдан бөлек жол бойына кемпингтер тұрғызу жәйі де сөз болды. Өйткені шаршаған көлік тізгіншісінің қараңғы сәттерде тынығатын орындарының болмауы себебінен де қайғылы оқиғалардың орын алу ықтималдығы жоғары. Сондықтан тасжол бойына кемпингтер салу ісіне де инвесторлар тартылуы тиіс. Бұл жұмысқа жауапты облыстық жолаушылар көлігі және автомобиль жолдары басқармасы басшысы Бауыржан Аймағамбетовтің де жұмысына қатысты сыни пікір айтылды. Оған бір апта ішінде жоба ұсыну тапсырылды. Кеңесті қортындылаған облыс әкімі Ғали Есқалиев сала басшыларына тиісті тапсырмалар берді.Бұдан бөлек аймақ басшысы БҚО ПБ мен МКД-ның мамандарына Ресейден аймаққа кіргізіліп жатқан көліктерге бақылауды күшейтіп, көлік сатумен шұғылданып жүрген кәсіпкерлерге қатысты салық төлеу ісін жуық арада қолға алу қажеттігін ескертті.

Батыс Қазақстан облысында жол апатынан 4 адам қаза тауып, алтауы ауруханаға жеткізілді. Оқиға 26 ақпан күні Ақжайық ауданы аумағында болған. Сағат 03.29-да Атырау-Орал жолының 259-шақырымында Атамекен ауылынан 10 шақырым жерде екі «Тойота Камри» автокөлігі соқтығысқан. Соның салдарынан екі көліктегі 4 жолаушы көз жұмып, алты адам Тайпақ ауылындағы ауруханаға жеткізілген. Қайғылы жол көлік оқиғасына не себеп болғаны туралы бүгін полиция сала мамандары түсінік берді. БҚО полиция департаменті бастығының бірінші орынбасары Жанболат Жаншинның айтуынша, 25-ақпан күні ауа райының нашарлауына байланысты аталмыш бағыттағы күре жолды сағат 00.00-ден бастап жабу туралы шешім қабылданған. Алайда такси жүргізушісі полиция қызметкерлерінің заңды талабына бағынбаған. Соның салдарынан жол үстінде жүргізуші рөлге ие бола алмай, екі көлік бетпе-бет түйіскен. Азаматтың полиция қызметкерлерінің талабына бағынбағаны жөнінде бейнежазба сақталған.Жол апатынан зардап шеккен 6 адам Тайпақ ауылының ауруханасына жеткізілді. Ақжайық аудандық ауруханасының бас дәрігерінің ұялы телефон арқылы берген мәліметіне сүйенер болсақ, науқастардың барлығының жағдайы өте ауыр.Еске сала кетейік, жолдың дәл осы тұсында осыдан төрт күн бұрын, яғни 22 ақпанда «Лада Приора» және «Тойота Королла» маркілі автокөліктер соқтығысып, 6 адам көз жұмып, бір адам зардап шеккен болатын.